Musamu wamubwete watina Matayi 17:4 - Musamu Wamubwete 2013

⁴ Petelo wabaangula mbeembu na waleele kuri Yesu ti: «Mfumu, buri bwabubwete kuri beetuneenu mu kuba hamaha. Mbuti ye tiiri, lo me ntuungiri misaampu mitatu hamaha: mosi wa ye, mosi wa Moose, na mosi wa Eliya.»

Musamu wamubwete watina Matayi 17:4 ပူးပေါင်းရင်းမြစ်များ

Musamu wamubwete watina Matayi 17:3

Na mono, Moose na Eliya bamonokono, bari mu kudzoonso na Yesu.

Musamu wamubwete watina Luka 9:33

Mu ntaangu yi baba beki hambikisa, Petelo waleele kuri Yesu ti: «Mfumu, buri bwabubwete ti tubeenee haaka. Beetu tutuunga misaampu mitatu: mosi kuri ye, mosi kuri Moose, na mosi kuri Eliya.» Ngo Petelo waba wahele kuyaaba ma kaba leelaana.

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Musamu wamubwete watina Yowane 7:2

Munkeembu Bayudayo wa misaampu, waba weki bele.

Mukaanda kuri bari Filipo 1:23

Me nyiri mu kudunga ha kakati dya manzala mo moolo: me nyiri na nzala kweende, na kuba na Kiristo, bukuri bubwo bubvuriri bubwete;

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

Nyabusulu ya Yowane 21:23

Bvula dyaba dyahele na nzala ntaangu, bunu pe na nzala ngoondo, mu kuri ti kuba buungi mu bvula; bukuri nkeembu Nzaambi yaba muha buungi, na Mwaana kimeeme ngo mwiinda waandi.