Musamu wamubwete watina Matayi 17:17 - Musamu Wamubwete 2013

¹⁷ Yesu wabvutula, waleele ti: «Ha! Kiseendu kyahele na kanyi, na kyawumuka. Natee mantaangu makwe me nyiba na beenu? Natee mantaangu makwe me nyikuunda beenu? Muntwalikilee hamaha!»

Musamu wamubwete watina Matayi 17:17 ပူးပေါင်းရင်းမြစ်များ

Musamu wamubwete watina Matayi 13:58

Yesu kasii yirika bimaangu byalaka kukwo ko, bukuri bo baba bahele na kanyi.

Musamu wamubwete watina Matayi 16:8

Bu kayaaba bubwo, Yesu waleele ti: «Baatu bangaa-kanyi dyantele, buri luri mu kwetsima mu beenu-meene ti lwahele na mampa?

Musamu wamubwete watina Matayi 17:16

Me nyimusoongiryee kuri bayiki ba ye, ngo basii bangusina kumutsinikisa ko.»

Musamu wamubwete watina Matayi 17:18

Yesu waŋaŋana mpeeve yayibi, yo yapala mu mwaana, na mu kilookolo kinikyo, mwaana watsiinika.

Musamu wamubwete watina Matayi 6:30

Mbuti Nzaambi wulwiikaa bitiiti bya manseke bubwo, biri lumalu biri, ngo bweepari babitubiri ku muduku wa mbaawu, lo dyaburi nde kahele kubvula kulwiika beenu, baatu bari kanyi mwaa-dyantele?

Musamu wamubwete watina Matayi 8:26

Nde waleele kuri bo ti: «Buri beenu luri na boomo, baatu ba kanyi dyantele?» Hanaho, bu kateleme, nde waŋaŋana kiteembu na mubu. Na kidzuunu kyakinene kyayisa.

Musamu wamubwete watina Malako 16:14

Ku nsukulu, bo kuumi na mosi, bu baba mu kudya, Yesu wabamonokono na wabaseembe mu ntoono kuhele kwa kanyi na nkubulu mitima mya bo, bukuri basii siila kanyi mu myaleeriri babo bamumwiini kuri mwaafuluka.

Musamu wamubwete watina Malako 9:19

Yesu wabvutula kuri bo ti: «Ha! Kiseendu ki kyahele na kanyi, natee mantaangu makwe me nyiba na beenu? Natee mantaangu makwe me nyikuunda beenu? Muntwalikilee hamaha!»

Musamu wamubwete watina Luka 24:25

Yesu waleele kuri bo ti: «Ha! Baatu bahele na madyeele, na bahele na mawasu mu kusiila kanyi, mu myominso myaleele babikiri.

Musamu wamubwete watina Luka 9:41

Yesu wabvutula, waleele ti: «Ha! Kiseendu kyahele na kanyi, na kyawumuka. Natee mantaangu makwe me nyiba bele, na me nyikuunda beenu? Twaala mwaana waaku hamaha!»

Musamu wamubwete watina Yowane 20:27

Tumi leeriri kuri Toma ti: «Twaala muleembu waaku ha, na mono bikaayi bya me, twaala kooko kwaaku na soko mu lubaansi lwa me. Yaa ba ngaa-muhaawu ko, ngo ba ngaa-kanyi.»

Biyiriki bya Bantumu 13:18

na wabakuunda mu mibvu kampe makuumi mana mu nsi yankatu.

Biyiriki bya Bantumu 2:40

Mu maampu makimi malaka, nde watswiikisa na wabasyaamisa, waleele ti: "Bvuukeenu kweenu mu kiseendu kyakibi ki!"

2 Kol 11:1

Mbuti beenu lo lukuundiri mwaa-bulawuku bwa me, lo katee kukuunda me.