Musamu wamubwete watina Matayi 16:27 - Musamu Wamubwete 2013

²⁷ Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 16:27 ပူးပေါင်းရင်းမြစ်များ

Musamu wamubwete watina Matayi 13:41

Mwaana muutu sa kaheeke bambasi baandi, na sa bapalisa mu Kimfumu kyaandi, bobanso bakwebwiisa bambaasi mu masumu, na bakwesalila bubayi,

Musamu wamubwete watina Matayi 13:49

Bunubwo se mbasi-tsuku buba ku nsukulu ntaangu. Bambasi sa biisa, sa bayisila bababi ha kakati dya basuuguma,

Musamu wamubwete watina Matayi 24:30

Haho, kidiimbu kya Mwaana muutu kimonoko mu mayulu, na baatu ba bitsuumbu byobinso biri ha butoto sa bateeteke myooko mu yulu mitu, na sa bamono Mwaana muutu wunangukina ku yulu, na kwiisa mu matuti, mu mpinu na mu nkeembu yayinene.

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Matayi 26:64

Yesu waleele kuri nde ti: «Ye leeriri. Ngo me nyileele kuri beenu ti: Kuholosono lumalu, beenu sa lumono Mwaana muutu wadzakala ha lubakala lwa mpinu, na wuri mu kwiisa mu matuti ma yulu.»

Musamu wamubwete watina Matayi 8:20

Yesu waleele kuri nde ti: "Mibaku miri na miduku, na banoni ba yulu bari na madzaansa; ngo kasi Mwaana muutu wahele na ha kusuusa mutu".

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Malako 8:38

Mukwongo, wunde wuba na nsoni mu me, na mu maampu maami, mu kiseendu kimaki, kya kimpala na kya masumu, lo Mwaana muutu se, ha kakwiisa nde na bambasi bangisi mu nkeembu Taayi dyaandi, sa kamumwiina nsoni.»

Musamu wamubwete watina Luka 21:27

Haho, bo sa bamono Mwaana muutu wukwisikila mu matuti, kunsa mpinu na nkeembu yayinene.

Musamu wamubwete watina Luka 22:69

Ngo kuholosono mu lumalu, Mwaana muutu sa kadzakala ha lubakala lwa Nzaambi-Mpuungu.»

Musamu wamubwete watina Luka 9:26

Mpisi wunde wuba na nsoni mu me, na mu Maampu maami, lo Mwaana muutu se sa kaba na nsoni mu nde, ha kakwiisa mu nkeembu yaandi, ya Taata na ya bambasi.

Musamu wamubwete watina Yowane 21:22

Yesu wabvutula kuri nde ti: «Mbuti me ntiiri ti kanamitina kuba natee ku nyikwiisa me, lo ye nki wubakila? Ye ngo wuri, nama me!»

Musamu wamubwete watina Yowane 21:23

Maampu mamo matsamukina ha kakati dya bampaangi ti muyiki wunde kafwa ko. Koomosoko Yesu kasii leele ko ti, nde kafwa ko. Ngo bu kaleeriri ti: «Mbuti me ntiiri ti kanamitina kuba, natee ku nyikwiisa me, lo ye nki wubakila?»

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

Mukaanda kuri bari Loma 14:12

Hango-nkuumbu, mpisi muutu mu beetu sa katambikisa mabuungu ma nde-meene [kuri Nzaambi].

Mukaanda kuri bari Loma 2:6

nde mbasi-tsuku wubvutula kuri mpisi muutu bunu buri biyiriki byaandi.

1 Kol 15:23

ngo muutu-muutu ha kibeendu kyaandi, Kiristo ngo watete, tumi bari mu Kiristo, mu ntaangu ya nyisulu yaandi.

1 Kol 3:13

lo kisalu kya mpisi muutu sa kyaba kyamonokono. Mukwongo, kiluumbu sa kyasoongo, bukuri kisalu sa kyayabakana mu mbaawu, mbaawu sa yatsiitsa kumono bunu buri kisalu kya mpisi muutu.

1 Kol 8:8

Kari byandya bisa kuri ti tukokosolo kuri Nzaambi ko: mbuti twahele kubidya, lo kuri bi tuhelele ko; na mbuti tubidiiri, lo kuri se bi tubvula kubaka ko.

2 Kol 5:10

Bukuri beetu-banso tuyelemini kuteleme ha busu bwa mutsuundu wa Kiristo, mpisi heki muutu-muutu kataambula, museendu wa ma kari kayirika, mu nyutu yaandi, mamabwe bunu pe mamabi.

Mukaanda kuri bari Efeso 6:8

bu luyaari ti mpisi muutu, mbuti yirikiri mamabwe, lo sa kamataambula kuri Mfumu, ti kaba nkutu bunu pe kahele kuba nkutu.

Mukaanda kuri bari Kolosayi 3:25

Mukwongo, wunde wusalila bubayi sa kataambula mamo ma kari kayirika ma bubayi; ka kuba munsoori mu baatu ko.

1 Tes 1:10

na mu kwekiingila Mwaana waandi wufumuna ku mayulu, wu kafulukisi mu bafwa, Yesu, nde wutukuula mu nkesi dzikwiisa.

1 Tes 4:16

Bukuri Mfumu nde-meene, mu kidiimbu kya nyaabusulu, mu mbeembu ya mukuutu bambasi, mu munyiingu mvumvuri ya Nzaambi, sa kasunduka mu mayulu, na babo bafwiila mu Kiristo sa batekesele kufuluka;

Mukaanda wa Yakobo 5:7

Ngo bampaangi, kiinduseenu mitima, natee nyisulu Mfumu. Monee muhati-manseke, nde wukiingila bimbutu bya butoto bya ntalu, wukiindisaa mutima natee ku katoriri bimbutu bitekesele na bisyeelele.

1 Pet 1:17

Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

1 Yow 2:28

Na mu lumalu, mwaa-baala, seenee kikuundi mu nde. Mpisi heki, mbuti nde monikini, lo tubeeneenu na nsiitu, na tuhelee kufwa nsoni la na nde, mu ntaangu ya nyisulu yaandi.

Mukaanda Yuda 1:14

Mu bo, Enoki, wansaamu kubandikila mu Adami, kaba leele ti: «Mono, Mfumu wayisiri na fundu-fundu dya bangisi baandi,

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

Nyabusulu ya Yowane 2:23

lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»

Nyabusulu ya Yowane 20:12

Me nyamono se bafwa, bakuutu na bilesi, bateleme ha busu bwa mboloko. Nyamono se badzibula mikaanda, na badzibula mukaanda mukimi, wuri mukaanda wamwooyo. Bafwa, babatsuundisa bunu bwaba myatinu mu mikaanda, bunu bwaba biyiriki bya bo.