Musamu wamubwete watina Matayi 16:21 - Musamu Wamubwete 2013

²¹ Kuholosono ntaangu yiyo, Yesu wabaandika mu kweyaabisa kuri bayiki baandi ti, nde yelemini kutoomboko ku Yerusalemi, na kumono mpasi dzalaka mu myooko mya bakulu ba babakala, bakuutu ba bangaanga-nzaambi na batini ba mangisi, yelemini kuba wadzusu, na mu kiluumbu kyabitatu, yelemini kuba wafuluka.

Musamu wamubwete watina Matayi 16:21 ပူးပေါင်းရင်းမြစ်များ

Musamu wamubwete watina Matayi 12:40

Bunu bwasiiri Yona biluumbu bitatu bya mwiini, na bya butsuku mu mwooyo nsu yayinene, bumosi se Mwaana muutu sa kasa biluumbu bitatu bya mwiini na bya butsuku kusa butoto.

Musamu wamubwete watina Matayi 16:22

Petelo kamunataa ku lumperi, bandukiri kumuŋaŋina, waleele ti: «Nzaambi kakukebe Mfumu! Pele! Mimyo miri nyirimina mu ye ko!»

Musamu wamubwete watina Matayi 16:28

Mu ngwanwa me nyiluleeriri ti: Babamosi mu bateleme hamaha, bafwa ko, natee bakiri mono Mwaana muutu wiisiri mu Kimfumu kyaandi.»

Musamu wamubwete watina Matayi 17:12

Ngo kasi kuri beenu me nyileele ti, Eliya wayeki wayisa. Baatu basii muyaabula ko, ngo kasi bamuyirikila momanso ma batiiri. Bunubwo se, Mwaana muutu sa kubama kuri bo.»

Musamu wamubwete watina Matayi 17:9

Bu baba mu kwekulumuka mulaandu, Yesu wabadika, wabaleele ti: «Yaa luleele kuri muutu ti mosi ko, mamo lumwiini, natee Mwaana muutu fulukiri mu bafwa.»

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Musamu wamubwete watina Matayi 26:2

«Beenu luyaari ti, biluumbu byoolo bisiri lo Paaka ditubukiri, na Mwaana muutu bee bamuyekiri mpisi kaba wakomono ha kuruwa.»

Musamu wamubwete watina Matayi 26:47

Yesu bu kaba wakiri mu kwedzoonso, mono, Yuda mosi mu bo kuumi na bolo, nde watubuka na mpuumbu baatu yayinene bari na mambeesi mamala, na mboto. Bakuutu ba bangaanga-nzaambi na bakulu ba babakala ba kaanda babaheekiri.

Musamu wamubwete watina Matayi 27:12

Mu ntaangu yaba mufuundaa bakuutu ba bangaanga-nzaambi na bakulu ba babakala, nde kasii bvutula ntoono ko.

Musamu wamubwete watina Matayi 27:63

baleele ti: «Mfumu, beetu tubaambuka mwooyo ti mudziimbisi wunde, ha kabee mwooyo, waleeriri ti: "Ha mambisa ma biluumbu bitatu, me sa nyafuluka."

Musamu wamubwete watina Matayi 28:6

Nde kasiiryee hamaha ko, bukuri fulukiryee bunu bu kaba leele. Wasee lumono kibeendu ki kabeeri.

Musamu wamubwete watina Malako 8:31

Yesu wabaandika mu kubayikisa ti: «Mwaana muutu yelemini kumono mpasi dzalaka; bakulu ba babakala, bakuutu ba bangaanga-nzaambi na batini ba mangisi sa bamuyekele, na kumudzusa; na ha mambisa ma biluumbu bitatu, tumi kafuluka.»

Musamu wamubwete watina Malako 9:12

Yesu wabvutula kuri bo ti: «Bunubwo, Eliya wutekesele na kwiisa mu kubvutula bunkete. Ngo, mu nki ntoono diri dyatinu ti Mwaana muutu, sa kamono mpasi dzalaka, na sa kaba wanyaafunu?

Musamu wamubwete watina Luka 17:25

Ngo nde yelemini kutekesele kumono mpasi dzalaka, na kuba kuri ti, baatu ba kiseendu kimaki bamuyekiri.

Musamu wamubwete watina Luka 24:46

Na wabaleele ti: «Bunu bu diri dyatinu: Kiristo sa kamono mpasi, na sa kafuluka mu bafwa mu kiluumbu kyabitatu,

Musamu wamubwete watina Luka 9:31

bapalikiri kunsa nkeembu, na baba dzoonsolaana mu nyendukulu yaandi yaba yeki yirima ku Yerusalemi.