Musamu wamubwete watina Matayi 16:16 - Musamu Wamubwete 2013

¹⁶ Simoni Petelo wabvutula, waleele ti: «Ye ngo Kiristo, Mwaana wa Nzaambi ya mwooyo.»

Musamu wamubwete watina Matayi 16:16 ပူးပေါင်းရင်းမြစ်များ

Musamu wamubwete watina Matayi 1:16

Yakobe wabuta Yosefi, mulumi Mariya, maba buta Yesu wubateelaa ti Kiristo.

Musamu wamubwete watina Matayi 14:33

Baba mu bwaatu bamutsukumina na bamuleele ti: «Ngwanwa ye Mwaana Nzaambi!»

Musamu wamubwete watina Matayi 16:15

Yesu waleele kuri bo: «Heki beenu, buri luri luleeriri, ti me na n yiri?»

Musamu wamubwete watina Matayi 26:63

Yesu waba wawura. Mukuutu bangaanga-nzaambi waleele kuri nde ti: «Me nyikuloombo, mu nkuumbu ya Nzaambi ya mwooyo, tuleele mbuti ye ngo Kiristo, Mwaana Nzaambi.»

Musamu wamubwete watina Matayi 27:54

Mukutu nkama bayongolo na baba kintwaari na nde mu kukebe Yesu, bu bamono ntembukulu ya butoto na mamo maba yirimini, babaka boomo bwalaka, baleele ti: «Ngwanwa, wumawu wabeeri Mwaana Nzaambi!»

Musamu wamubwete watina Matayi 4:3

Musindukiri bu kakokosolo wamuleele ti: «Mbuti ye mwaana Nzaambi, leele ti matari ma makituka mampa.»

Musamu wamubwete watina Malako 14:61

Yesu waba wawura, na wahele kubvutula ntoono ti mosi. Mukuutu bangaanga-nzaambi wabweese kumufuula ti: «Buri ye ngo Kiristo Mwaana Ngaa-lusakumunu?»

Musamu wamubwete watina Luka 2:11

Lolo dimadi, mu bvula dya Davidi, Mubvuukisi butukiri mu ntoono beenu. Nde ngo Kiristo Mfumu.

Musamu wamubwete watina Yowane 1:49

Natanahele wabvutula kuri nde ti: «Labi, ye ngo Mwaana Nzaambi, ye ngo mbyaasi ya Isaheli.»

Musamu wamubwete watina Yowane 11:27

Nde waleele kuri Yesu ti: «Heehe, Mfumu me nyasa kanyi ti ye ngo Kiristo, Mwaana Nzaambi, wayisa ha nsi.»

Musamu wamubwete watina Yowane 20:31

bimabi babitinini, mu kuri ti beenu lusa kanyi ti Yesu ngo Kiristo, Mwaana Nzaambi, na mpisi heki mu nsiilu kanyi, beenu lubaka kidziingu mu nkuumbu yaandi.

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Musamu wamubwete watina Yowane 6:68

Simoni Petelo wabvutula ti: «Mfumu, kuri na beetu tukweende? Ye wuri na maampu ma kidziingu kya bibvu ngo bibvu,

Musamu wamubwete watina Yowane 6:69

na beetu twasa kanyi, na tuyaari ti ye ngo Wangisi, wa Nzaambi.»

Biyiriki bya Bantumu 14:15

na baleele ti: "Bampaangi, buri lusa mya bu mi? Beetu se turi na bitsimi byobimosi na beenu, beetu turi baatu bunu beenu; Musamu Wamubwete wutuluyaabisiri, ngo mu kubwoongolo myahele mufunu mi, mu kusyeeteke kuri Nzaambi ya mwooyo, wayirika yulu, butoto, mubu na byobinso biri mu byo;

Biyiriki bya Bantumu 8:36

Bu baba mu kweyende mu nzila, batubuka hari maampa. Mpokoro muutu waleele ti: "Mono maampa moma, nki bi kakisila ye mu kubotoko me?" [

Biyiriki bya Bantumu 8:37

]

Biyiriki bya Bantumu 9:20

na hanaho, nde wayikisa mu manzo ma nkutukunu ti Yesu ngo Mwaana Nzaambi.

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

2 Kol 1:19

Bukuri, Mwaana Nzaambi, Yesu Kiristo wu turi twayaabisa kuri beenu, me na Silvano na Timoteho, nde kasii kuba: «heehe» na «pele» ko.

2 Kol 3:3

Nkati diri dyayabakana ti, beenu ngo mukaanda Kiristo wu turi twatubula beetu, wahele kuba watinu mu ntiinta yapiinda, ngo mu Mpeeve Nzaambi yamwooyo; wahele kuba watinu mu bibari bya malweende, ngo mu mabaya ma mitima mya muswinyi.

2 Kol 6:16

Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»

1 Tes 1:9

Bukuri bobanso bakwedzoonsolo mu beetu, mu ntambukulu yi lwatutaamburi ha twayisiri kuri beenu, na bunu bu luri lwasiisila beenu biteki na kusyeeteke kuri Nzaambi, mu kusalila nde, Nzaambi ya mwooyo na ya ngwanwa,

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

1 Tim 4:10

Mukwongo, mbuti turi mu kwebama na kwenwaana, lo bukuri twasa nsiitu mu Nzaambi yamwooyo, yiri mubvuukisi baatu bobanso, mbiki ti bari na kanyi.

Mukaanda kuri Bahebeleho 10:31

Diri dyansisi mu kubwa mu myooko mya Nzaambi yamwooyo.

Mukaanda kuri Bahebeleho 12:22

Ngo kasi beenu lwakokosiri bebele na mulaandu wa Syoni, na bvula dya Nzaambi ya mwooyo, Yerusalemi dya ku yulu, na mafuunda ma bambasi makutukina mu munkeembu,

Mukaanda kuri Bahebeleho 3:12

Seenee madyeele, bampaangi, mpisi kuhele kuba mu beenu muutu ti mosi, wuba na mutima-bubi, wahele na kanyi, wutatuka na Nzaambi yamwooyo,

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

1 Yow 4:15

Mpisi wunde wutaambula ti Yesu Mwaana Nzaambi, lo Nzaambi wasa kikuundi mu nde, na nde wasa kikuundi mu Nzaambi.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

1 Yow 5:5

Na waluuluka mu nsi, mbuti ka wunde wasiila kanyi, ti Yesu ngo Mwaana Nzaambi ko?

Nyabusulu ya Yowane 7:2

Na me nyamono mbasi yikimi, yaba naaka ku mpele ya este, yaba yakwaata kinyemu kya Nzaambi yamwooyo. Nde wabikisa mu mbeembu yayinene kuri bambasi bobana, ba bari baloombo mu kumonoso butoto na mubu mpasi,