Musamu wamubwete watina Matayi 16:12 - Musamu Wamubwete 2013

¹² Haho, bo babakuri ti, Yesu kari mu lufunusu lwa mampa kaba baleele ko ti se madyeele, ngo mu nyikusulu dza Bafarisi na Basaduki.

Musamu wamubwete watina Matayi 16:12 ပူးပေါင်းရင်းမြစ်များ

Musamu wamubwete watina Matayi 16:11

Dyaburi beenu luri kubakula pe ti me nsii kuludzoonsolo ko mu mitariri mampa? Seenee madyeele mu lufunusu lwa Bafarisi na Basaduki.»

Musamu wamubwete watina Matayi 3:7

Bu kamono Bafarisi balaka na Basaduki baba kwiisaana mu kuri ti nde kababotoko, wabaleele ti: «Kitsuumbu kya bampiri, na walusoongiri bwa kuyitikila nkesi dziri mu kwiisa?

Musamu wamubwete watina Matayi 5:20

Mukwongo, me nyiluleele ti: mbuti nsungumunu yeenu yahele kubvula ti na ya batini ba mangisi na Bafarisi, lo beenu luri nkotulu mu Kimfumu kya ma mayulu ko.»

Biyiriki bya Bantumu 23:8

Mukwongo, Basaduki bakooleelaa ti, mfulukulu, na bambasi, na mampeeve biri ko; ngo kasi Bafarisi babitaambulaa.

1 Kol 5:6

Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?