Musamu wamubwete watina Matayi 14:6 - Musamu Wamubwete 2013

⁶ Munkeembu wa kiluumbu kya mbutukulu Erode bu katubuka, mwaana Erodyade wa mukyeetu wakina ha kakati dya baatu, na Erode wamono kiminu mu nde.

Musamu wamubwete watina Matayi 14:6 ပူးပေါင်းရင်းမြစ်များ

Musamu wamubwete watina Matayi 14:3

Mukwongo, Erode kakaangaana Yowane, wumutubiri mu boroko, mu ntoono Erodyade, mukasi Filipo mpaangi yaandi.

Musamu wamubwete watina Matayi 14:7

Mu didyo, Erode walaba maalu kuri mwaana, mu kumuha kyoso kitotolo ki kamuloombo.

Musamu wamubwete watina Matayi 22:24

bamuleele ti: «Muyikisi, Moose waleele ti: "Mbuti muutu fwiiri kwahele baala, lo mpaangi yaandi kukondolo mufwiiri nde mu kumubutila baala."

Musamu wamubwete watina Malako 6:14

Mbyaasi Erode wayuka badzoonsolo mu Yesu, bukuri nkuumbu yaandi yaba yeki mvuumfu, na baatu baba kweleele ti: «Yowane Mubotiki wafulukiri mu bafwa; hango nkuumbu, kari mu kweyirika bimaangu.»

Musamu wamubwete watina Malako 6:17

Mukwongo, Erode waheeri lutumu luri ti basiimba Yowane, na bamukaanga bikonyi mu boroko, mu ntoono Erodyade waba mukasi mpaangi yaandi, Filipo wukakweeriri.

Musamu wamubwete watina Malako 6:19

Mu didyo, Erodyade waba wakebele Yowane kooti, na waba watya kumudzusa, ngo waba wahele kubangisina;

Musamu wamubwete watina Malako 8:15

Yesu wabaha lutumu, wabaleele ti: «Luyuka! Seenee madyeele mu lufunusu lwa Bafarisi na mu lwa Erode.»

Musamu wamubwete watina Luka 13:31

Mu kilookolo kikyo, Bafarisi babamosi bakokosolo kuri Yesu na bamuleele ti: «Yisika ha, weende kwaaku, bukuri Erode tiiri kudzusa ye.»

Musamu wamubwete watina Luka 23:11

Erode na bayongolo baandi bamusaana na bamusiila munsiku. Bu kamulwiika kinkuta kyakibwe, wamubvutula kuri Pilato.

Musamu wamubwete watina Luka 23:7

Pilato bu kayaaba ti Yesu wuri kunsa lutumu lwa Erode, wamuheeke kuri Erode, nde se waba wayisa ku Yerusalemi mu biluumbu binibyo.

Musamu wamubwete watina Luka 3:1

Mu mubvu wa kuumi na mitaanu, wa kimfumu kya Tiberyo Kayisari, Pontyo Pilato waba mutumi mu nkoonsi ya Yudaya, Erode waba mutumi mu nkoonsi ya Ngalili, Filipo mpaangi yaandi mutumi mu nkoonsi ya Iturayo na nkoonsi ya Tarakoniti, na Lisanya waba mutumi mu nkoonsi ya Abilene,

Musamu wamubwete watina Luka 3:19

Ngo Yowane waŋaŋini Erode mutumi nkoonsi, mu ntoono Erodyade mukasi mpaangi yaandi, na mu momanso mamabi ma kayirikiri.

Musamu wamubwete watina Luka 8:3

Yowana, mukasi kisari kya kikuutu kya Erode kiri nkuumbu Kudza, Sudzane, na bakimi balaka, baba kwebabakisaana mu bi baba na byo.

Biyiriki bya Bantumu 12:1

Mu ntaangu yiyo, mbyaasi Erode wakwaata bamosi mu bari mu dibuundu, mu kubakwaamisa.

Biyiriki bya Bantumu 4:27

Mukwongo, mu ngwanwa, Erode, Pontyo Pilato kintwaari na bangooyi na baatu ba Isaheli, bamwaakutukina munsa bvula dimadi, mu kunwaanisa kisari kyaaku kyangisi, Yesu wu wuri wakila maasi,