Musamu wamubwete watina Matayi 13:44 - Musamu Wamubwete 2013

⁴⁴ «Kimfumu kya mayulu kyafwanikina, na busina bwasweeku munsa nseke, ngo muutu kamwiini, sweekiri. Mu ntoono kiminu ki kari na kyo, nde weensi yarikiri byobinso bikari na byo, na wiisiri kusuumba nseke yiyo.»

Musamu wamubwete watina Matayi 13:44 ပူးပေါင်းရင်းမြစ်များ

Musamu wamubwete watina Matayi 13:24

Yesu wabweese kubateele nkuma yikimi. Nde ti: «Kimfumu kya mayulu kyafwanikina na muutu wunyaka nsaangi dza looso mu nseke yaandi.

Musamu wamubwete watina Matayi 13:46

Bu kadzuukiri musaanga mosi wantalu, weensi yarikiri byobinso bi kari na byo, na wiisiri kusuumba musaanga wunde.»

Musamu wamubwete watina Matayi 13:47

«Kimfumu kya mayulu kyabweese kufwanikina na siinga di batubiri mu mubu, ditolo bya bitsuumbu ngo bitsuumbu.

Musamu wamubwete watina Matayi 19:21

Yesu waleele kuri nde ti: «Mbuti ye tiiri kuba wakuka, lo yende, yarika bi wuri na byo, ha kuri bawelu, na ye sa baka busina mu mayulu, na wasa nama me.»

Musamu wamubwete watina Matayi 19:27

Hango Petelo waleele kuri Yesu ti: «Mono, beetu twasiisiri byobinso na twakunemi, heki nki biba kuri beetu?»

Musamu wamubwete watina Matayi 19:29

Mpisi wunde wasisa manzo, bunu pe bampaangi, bunu pe bibusi, bunu pe taayi, bunu pe nguri, bunu pe baala, bunu pe manseke mu ntoono nkuumbu yaami, lo sa kataambula byo ku kinkama, na sa kataambula kidziingu kyahele manunu bunu saala.

Musamu wamubwete watina Matayi 6:21

Bukuri haho ha sweeku busina bwa ye, hanaho se haba mutima waaku.»

Musamu wamubwete watina Luka 14:33

Hango nkuumbu, mpisi wunde mu beenu wuhele kubisa byobinso bi kari na byo, lo kari mbeele muyiki me ko.»

Musamu wamubwete watina Yowane 6:35

Yesu waleele kuri bo ti: «Me ngo mpa ya bumwooyo. Wunde wukwiisa kuri me, kari mbakila nzala ko, na wunde wusa kanyi mu me, kari mbakila mpwiisu ko.

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Mukaanda kuri bari Kolosayi 2:3

mu nde mwaswekeme busina bwobunso bwa madyeele, na bwa nyaabulu.

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

Mukaanda kuri Bahebeleho 10:34

Mukwongo, beenu lwakabula mpasi dza babo baba mu boroko, na beenu lwataambula mu kiminu, ti baluhosono na bitotolo byeenu, bu lwaba luyaari kuri ti luri na busina bubvuriri bubwete, na buri bwawaana ko.

Nyabusulu ya Yowane 3:18

Ndoongi yi nyikuha, yiri ti suumba woolo dyatsyeemusu mu mbaawu kuri me, mpisi heki ye ba kisina, suumba binkuta byahembeke, wubilwaata mpisi sweeke nsoni dza kimpene kyaaku; suumba se mukelu wa kutsoniso mu miisu mpisi ye mono.