Musamu wamubwete watina Matayi 13:38 - Musamu Wamubwete 2013

³⁸ nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Matayi 13:38 ပူးပေါင်းရင်းမြစ်များ

Musamu wamubwete watina Matayi 13:19

«Mpisi wuyuka maampu ma Kimfumu, ngo wahele kubakula, lo muutu wuri, ngaa-bubi bu kiisiri, dzikiri ma bakuninyee mu mutima waandi. Wunde ngo wuri bunu luteembu lwa nzila lubwiiri nsaangi.

Musamu wamubwete watina Matayi 24:14

Musamu Wamubwete wa Kimfumu sa kaba wayikusu mu nsi yansiina, mpisi kiba kimbaangi kuri makaanda momanso, heki tumi manunu yiisa.»

Musamu wamubwete watina Matayi 5:37

Nzoonsulu yaaku yiba mbuti "heehe", lo "heehe", mbuti "pele", lo "pele"; mi babweese kuleele ha yulu haho, lo mya Ngaa-bubi.»

Musamu wamubwete watina Matayi 8:12

Kasi baala ba Kimfumu sa babatuba ku mampimbisi ma ku mbasi; kukwo kuba bidilu na nkweetulu miinu.»

Musamu wamubwete watina Luka 24:47

na nyiingulu madyeele, mu mpemusunu ya masumu, sa yaba yayaabisa mu nkuumbu yaandi, kuri makaanda momanso, kubandikila ku Yerusalemi.

Musamu wamubwete watina Yowane 12:24

Ngwanwa mu ngwanwa me nyiluleele, mbuti nkono saangu yibwiiri ha butoto yahele kufwa, lo sa yiba yokaka; ngo mbuti yifwiiri, lo sa yapalisa bimbutu byalaka.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Biyiriki bya Bantumu 13:10

waleele ti: "Ho ye waluula mu mawunu na mu kwiibi, mwaana dyabulu, mutaatu nsungumunu, buri ye wuhoto ko mu kwetengemese ma nzila [ma] Mfumu masuunguma?

Mukaanda kuri bari Loma 10:18

Kasi me nyifuula ti: buri basii kuyuka ko? Heehe bayukiri kwaandi! «Mbeembu bo yayukukuna mu nsi yansiina; na maampu ma bo matubuka natee mwasukuna butoto.»

Mukaanda kuri bari Loma 16:26

Mpaanu dzidzo dzamonokono mu lumalu, mu matinu ma babikiri, mu lutumu lwa Nzaambi yahele mbandukulu na manunu, mu kuri ti makaanda momanso mabaka nyaabulu na matumuma mu kanyi.

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Mukaanda kuri bari Kolosayi 1:6

Musamu meene watubuka natee kuri beenu, bwobumosi se kari mu nsi yansiina, wuri mu kwebuta bimbutu na wuri mu kwebuuka; bunubwo se kari mu kwesala mu beenu, kuholosono kiluumbu ki luri lwayuka, na ki luri lwabakula bweese bwa Nzaambi kunsa ngwanwa.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

1 Pet 1:23

bu lwayeki lwabutuka mu mbutukulu yamoono, kari mu mumbutu wubolaa ko, ngo mu wuhelaa kubolo, mu maampu ma mwooyo ma Nzaambi mahelaa kusuka.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

Nyabusulu ya Yowane 14:6

Me nyamono mbasi yikimi yaba yooko ku nkati yulu, yaba na Musamu Wamubwete wahele manunu, mu kuyaabisa baatu badzakala ha butoto, mansi momanso, bitsuumbu byobinso, mandiinga momanso na baatu bobanso,