Musamu wamubwete watina Matayi 13:11 - Musamu Wamubwete 2013

¹¹ Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

Musamu wamubwete watina Matayi 13:11 ပူးပေါင်းရင်းမြစ်များ

Musamu wamubwete watina Matayi 13:10

Bayiki baandi bu bakokosolo kuri nde, bamufuula ti: «Mu nki ye wuri mu kwebadzoonsolo mu mankuma?»

Musamu wamubwete watina Matayi 16:17

Yesu wabweese kuleele kuri nde ti: «Ye wuri mu kiminu, Simoni mwaana Bariyoona; kari muswinyi na makila ko bikuyaabisiri dyo; ngo Taayi dyaami diri mu mayulu wukuyaabisiri dyo.

Musamu wamubwete watina Matayi 19:11

Yesu wabvutula kuri bo ti: «Bobanso bahele kutaambula musamu [wunde]. Ngo kunu kuri babo, ba bari baha miswa mu kutaambula.

Musamu wamubwete watina Matayi 20:23

Yesu wabaleele ti: «Mbasa me, beenu ngo luri sa lwanwa; ngo mu matariri kudzakala ha lubakala na ha lumosi lwa me, kari me nyiha miswa [mimyo] ko, ngo bibeendu bibyo bya babo, bari Taayi dya me wabayirikila byo.»

Musamu wamubwete watina Malako 10:40

Ngo mu mitariri kudzakala ha lubakala bunu pe ha lumosi lwa me, kari me nyiha miswa mimyo ko; ngo bibeendu bibyo bya baatu, ba bari bayirikila.»

Musamu wamubwete watina Malako 4:11

Nde wabvutula kuri bo ti: «Mpaanu dza kimfumu kya Nzaambi kuri beenu bari baha; ngo kasi kuri bari ku mbasi, momanso kwebadzoonsolo mu mankuma,

Musamu wamubwete watina Luka 8:10

Nde waleele ti: «Kuri beenu baheeri kiteesu kya kuyaaba mpaanu dza Kimfumu kya Nzaambi; ngo kuri bakaka mu mankuma, mpisi heki baba, "bu batala, bahele kumono, na bu bayuka, bahele kubakula."»

Musamu wamubwete watina Yowane 6:65

Nde wabweese kuleele ti: «Me ndeeriri bubwo kuri beenu ti, kuri muutu ko wubangisina kwiisa kuri me, mbuti Taata wahele kumuha miswa.»

Musamu wamubwete watina Yowane 7:17

Mpisi wutiiri kuyirika kutya kwa nde, lo sa kayaaba mbuti nyikusulu dzidzo dza Nzaambi, bunu pe, mu me-meene nyiri mu kwedzoonsolo.

Biyiriki bya Bantumu 16:14

Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

1 Kol 13:2

Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

1 Kol 15:51

Me nyiluyaabisa musamu wa mpaanu: beetu-banso tuwa kufwa ko, ngo kasi beetu-banso sa twakituka.

1 Kol 2:14

Muutu wuri na bitsimi bya kimuutu, lo kataambula mya Mpeeve ya Nzaambi ko; bukuri kuri nde bubwo bulawuku, nde lo katsiitsa kuyaaba ko, bukuri mimyo mu kimpeeve bayelemini kumifyongokono.

1 Kol 2:7

ngo kasi, beetu turi mu kweyikisa madyeele ma Nzaambi masweeku kunsa mpaanu, mari Nzaambi watekisiri kutaasila mo mu nkeembu yeetu tekesele mu bibvu.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

1 Kol 4:7

Mukwongo, na wumono kuri ti ye bvuriri? Nki ye wuri na byo, biri kari kutaambula wuri wataambula ko? Na mbuti kutaambula wuri wabitaambula, buri wuri mu kusa kimweese bunu ti wahele kutaambula?

Mukaanda kuri bari Efeso 1:18

Hemese Nzaambi katsyeemese mwiinunu yeenu mu mitima, mpisi lubakula nkya nsiitu yiri mu mbila yikari kaluteele, nkya busina bwa nkeembu yiri mu saala dyaandi, ha kakati dya bangisi,

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 5:32

Mpaanu dzimadzi dziri dzadzinene; na me bu nyiri mu kuleele ti, mimyo mitariri Kiristo na dibuundu.

Mukaanda kuri bari Efeso 6:19

na mu me se, mpisi heki me bampa dyaambu dya kuleele, mu ntaangu yintiiri kudzibula munwa waami, mu kuyaabisa mu bunsaalisi mpaanu dza Musamu Wamubwete.

Mukaanda kuri bari Kolosayi 2:2

Me ntiiri ti mitima mya bo miba myasyaamusu, baba babvuutuna mu kintwaari kunsa ntiilu, na mu kubaka busina bwobunso bwa nduululu ya madyeele, mu nyaabulu mpaanu dza Nzaambi, ngo Kiristo,

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Tim 3:9

Bayelemini kukebe mpaanu dza kanyi mu mutima wa mutsiina.

Mukaanda wa Yakobo 1:5

Ngo mbuti muutu mu beenu wahele na madyeele, lo kaloombo kuri Nzaambi, wuhaanaa kuri bobanso kwa mungengi, na kwahele biŋaŋunu, na sa kamuha mo.

1 Yow 2:20

Beenu lwataambula nkilulu kuri Wangisi, na beenu bobanso luyaari.

1 Yow 2:27

Ngo beenu, nkilulu yi luri lwataambula kuri nde yasa kikuundi mu beenu, na lwahele na nzala kuri ti muutu kaluyikisa; kasi nkilulu yaandi yiri mu kuluyikisa mu momanso, na yiri yangwanwa, ka yiri yampya ko, bunu bu yiri mu kuluyikisa, seenee kikuundi mu nde.