Musamu wamubwete watina Matayi 12:34 - Musamu Wamubwete 2013

³⁴ Beenu kitsuumbu kya bampiri! Dyaburi beenu lutsiisa kudzoonso misamu myamibwete, habaana luri bababi? Bukuri mimyo midzoonsaa muutu myaluula mu mutima.

Musamu wamubwete watina Matayi 12:34 ပူးပေါင်းရင်းမြစ်များ

Musamu wamubwete watina Matayi 12:35

Muutu wamubwe wupalisa misamu myamibwete mu kisweekulu kyaandi kyakibwete; na muutu wamubi, wupalisaana misamu myamibi mu kisweekulu kyaandi kyakibi.

Musamu wamubwete watina Matayi 15:18

Ngo kasi bipalaa mu munwa, bifumunaa ku mutima. Na bibyo bikoosumunaa muutu.

Musamu wamubwete watina Matayi 23:33

Beenu banyoko, kitsuumbu kya bampiri, buri beenu lusiila mu kuyitika la na mutsuundu wa lubila?

Musamu wamubwete watina Matayi 3:7

Bu kamono Bafarisi balaka na Basaduki baba kwiisaana mu kuri ti nde kababotoko, wabaleele ti: «Kitsuumbu kya bampiri, na walusoongiri bwa kuyitikila nkesi dziri mu kwiisa?

Musamu wamubwete watina Luka 3:7

Yowane, waba leelaana kuri mampuumbu, maba kweendaana kuri nde, mu kubotoko ti: «Kitsuumbu kya bampiri, na wulusoongiri bwa kuyitikila nkesi dziri mu kwiisa?

Musamu wamubwete watina Luka 6:45

Muutu wamubwe koopalisaa mamabwe mu kikebulu kyakibwe kya mutima waandi; ngo wamubi wupalisaa mamabi mu kikebulu kyaandi kyakibi, bukuri mamo mapalaa mu munwa waandi, maluula mu mutima.»

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Mukaanda kuri bari Efeso 4:29

Yaa kupala ntoono ti mosi yayibi mu munwa weenu ko, ngo mbuti kuri yipala, lo yiba yayibwete, yiri mufunu mu ntuungulu, mpisi yiha bweese kuri babo bayuka.

Mukaanda kuri bari Efeso 5:4

Mantoono mamabi, nzoonsulu dza budzeeke bunu pe dzansoni, byahele kuyelemene ha kakati dya beenu; ngo kasi byayelemene mvutukulu matoondo.

Mukaanda wa Yakobo 3:2

Mukwongo, beetu-banso turi mu kwebwa kwalaka. Mbuti muutu wahele kubwa mu nzoonsulu, lo wunde muutu wakuka, wubangisina kutwaalisa nyutu yaandi yoyinso.

1 Yow 3:10

Mu didyo, bayaabulaa baala ba Nzaambi, na baala ba dyabulu. Mpisi wunde wuhelaa kusalila nsungumunu kari wa Nzaambi ko; bunubwo se kuri wuhelaa kutya mpaangi yaandi.