Musamu wamubwete watina Matayi 12:10 - Musamu Wamubwete 2013

¹⁰ Mumwo mwaba muutu mosi wasika kooko. Bafarisi mu kuri ti babaka kooti di bamufuundila, bamufuula ti: «Buri kuri miswa mu kutsinikisa muutu mu kiluumbu kya mpuumunu?»

Musamu wamubwete watina Matayi 12:10 ပူးပေါင်းရင်းမြစ်များ

Musamu wamubwete watina Matayi 12:2

Bafarisi bu bamono bubwo, bamuleele ti: «Mono! Bayiki ba ye bari mu kuyirika mimyo myahele miswa, mu kuyirika mu kiluumbu mpuumunu!»

Musamu wamubwete watina Matayi 19:3

Bafarisi bakokosolo kuri nde, bamutsiitsa, bamufuula ti: «Buri muutu wuri na miswa mya kubinga mukasi waandi mu mpisi lumvuki?»

Musamu wamubwete watina Malako 3:2

Baatu baba ketaana Yesu, mu kumono kari lo wumutsinikisi mu kiluumbu kya mpuumunu, mpisi heki bamufuunda.

Musamu wamubwete watina Luka 11:54

na kwemutekele myeete mu kumubaka mu mipala mu munwa waandi.

Musamu wamubwete watina Luka 13:14

Ngo mukuutu nzo-nkutukunu wabaka nkesi, bukuri Yesu watsinikisi mubeeru mu kiluumbu kya mpuumunu. Nde waleele kuri mpuumbu ti: «Turi na biluumbu bisaamunu bi tuyelemini kusala. Wasamee mu biluumbu bibyo, mu kutaambula butsiina, nkani ka mu kiluumbu kya mpuumunu ko.»

Musamu wamubwete watina Luka 20:22

Buri beetu turi na miswa, mu kufuta mpaku kuri Kayisari hoti pele?»

Musamu wamubwete watina Luka 23:14

waleele kuri bo ti: «Beenu lutwesikiri me muutu wumawu, na kuleele ti: nde wukwesinda baatu mu kusa kisaangila. Me bu nyimuheeri bifuuri ha busu bwa beenu, nsii mono lumvuki ko, mu muutu wumawu wu luri mu kufuunda beenu.

Musamu wamubwete watina Luka 23:2

Babeke mu kumufuunda baleele ti: «Beetu twatangusini muutu wumawu kuri wusa kisaangila mu nsi yeetu. Nde wukwedika baatu ti yaa bafuta mpaku kuri Kayisari ko; na wukweleele ti nde ngo Kiristo, mbyaasi.»

Musamu wamubwete watina Yowane 5:10

Haho, Bayudayo baleele kuri muutu watsiinikini ti: «Lolo kiluumbu kya mpuumunu, ye wuri na miswa mya kwenata nkwaala yaaku ko."»

Musamu wamubwete watina Yowane 5:3

Kunsa masaansi mamo, kwaba mpuumbu babeeru baba baneŋene: bafwa miisu, bari na bipfuumi mu miilu na babobo binamu. [

Musamu wamubwete watina Yowane 7:23

Mbuti muutu wutaambulaa nteendulu bubakala mu kiluumbu kya mpuumunu, mpisi heki mangisi ma Moose, mahele kuba masinunu, dyaburi beenu luri mu kubakila me nkesi, bukuri me nsinikisi muutu, mu kiteesu kyakuka, mu kiluumbu kya mpuumunu?

Musamu wamubwete watina Yowane 8:6

Bo baleele bubwo mu kumutekele mweete, mpisi heki bamufuunda. Ngo Yesu bu kaba wayilima, wabeke kutyalikisa ha nsi mu muleembu.

Musamu wamubwete watina Yowane 9:16

Bafarisi babamosi baleele ti: «Wunde kari muutu wafumuni kuri Nzaambi ko, bukuri nde wahele kubvumina kiluumbu kya mpuumunu.» Ngo kasi bakaka baleele ti: «Muutu wuri na masumu, lo bangusini kuyirika bidiimbu bya bumabu?» Haho nkabunu yakoto mu bo.