Musamu wamubwete watina Matayi 11:21 - Musamu Wamubwete 2013

²¹ «Kyaari kuri ye Koradzi! Kyaari kuri ye Betesayida! Bukuri mbuti bimaangu byayirimini kuri beenu, ngo byayirimini ku Tiro na Sidoni, nkani na kidzika bo balweeti matsaaka na kuyoolo lufuta, nkani baketi yiinga madyeele.

Musamu wamubwete watina Matayi 11:21 ပူးပေါင်းရင်းမြစ်များ

Musamu wamubwete watina Matayi 11:22

Ngo me nyileele kuri beenu ti, mu kiluumbu kya munsuundu, sa babvula kuseembe beenu ti na Tiro na Sidoni.

Musamu wamubwete watina Matayi 15:21

Yesu kayisikaa haho, weensi mu nkoonsi ya Tiro na Sidoni.

Musamu wamubwete watina Matayi 18:7

Kyaari kuri baatu ba nsi yi mu dyaambu dya mbumukunu makya; mukwongo, mbumukunu makya yiyelemini kuba, ngo kyaari kuri muutu wunde wuba nzila ya mbumukunu makya!

Musamu wamubwete watina Matayi 26:24

Mukwongo, Mwaana muutu wuri mu kweende, bunu bu diri dyatinu mu ntoono ya nde. Ngo kasi, kyaari kuri muutu wunde wuri nzila yi bayekekele Mwaana muutu. Bwaketi kubvulila bubwete kuri muutu wunde mu kuhele kubutuka».

Musamu wamubwete watina Malako 3:8

ku Yerusalemi, ku Idumaya, ku simu dya nyari ya Yorodani, na ku nkoonsi ya Tiro na ya Sidoni, mpuumbu ya bu fundu-fundu yayukiri momanso ma bayirikaa Yesu yayisa kuri nde.

Musamu wamubwete watina Malako 6:45

Mu kilookolo kinikyo, Yesu wakwiikisa bayiki baandi mu kukoto mu bwaatu, na batekesele ku simu dya mubu bebele dya Betesayida, mu ntaangu yi kabvutula nde mpuumbu baatu.

Musamu wamubwete watina Malako 7:24

Yesu kayisikaa ha kibeendu kikyo, wayende mu mankoonsi ma Tiro. Bu kakoto mu nzo mosi, nde kasii tya ko ti, muutu ti mosi kayaaba, ngo kasii bangusina kuba wasweeme.

Musamu wamubwete watina Malako 7:31

Yesu wabweese kusisa nkoonsi ya Tiro, walutila ku Sidoni, kunsa mumvuka wa mabula kuumi, mu kweende ku mubu wa Ngalili.

Musamu wamubwete watina Malako 8:22

Bo bayende ku Betesayida. Baatu batwaala muutu wafwa miisu kuri Yesu, na bamuyingukila mpisi kamubelemene.

Musamu wamubwete watina Luka 4:26

Ngo basii heeke Eliya kuri mufwiiri ti mosi ko mu bo, ha yulu kunu ku Salepeta mu nkoonsi ya Sidoni, kuri mukyeetu mosi wa mufwiiri.

Musamu wamubwete watina Luka 6:17

Bu kakulumuka kintwaari na bo, ha kateleme ha kibeendu kya kidende, haba mpuumbu yayinene ya bayiki baandi, na mpuumbu yayinene ya baatu ba ku Yudaya dyodinso, ba Yerusalemi, ba mu teke mubu, ba Tiro na Sidoni.

Musamu wamubwete watina Luka 9:10

Bantumu bu babvutuka, bayaabisa kuri nde momanso ma bayirikiri. Yesu wabaholo na wayende na bo ku lumperi, ku teke bvula di bakooteelaa ti Betesayida.

Musamu wamubwete watina Yowane 1:44

Filipo waba wa ku Betesayida, bula bumosi na Andere bo na Petelo.

Musamu wamubwete watina Yowane 12:21

Bo bakokosolo kuri Filipo, wa ku Betesayida dya Ngalili, bamufuula baleele ti: «Mfumu, beetu tutiiri kumono Yesu.»

Biyiriki bya Bantumu 12:20

Erode waba na nkesi dzamakwa mu baatu ba ku Tiro na bari ku Sidoni. Mu nyukusunu mosi, bo baba haho ha busu bwa nde. Bu bayukusa Balasto, kisari kya mbyaasi mu mitariri kihekiri kya tolo, baloombo kiyeengi, bukuri mansi ma bo maba taambulaa byalaka mu nsi Erode.

Biyiriki bya Bantumu 27:3

Kiluumbu kyanama, beetu twatuula ku Sidoni. Yulyo waba hololo Pawulo mu bumuutu, wamuha miswa mu kwemono banduku baandi, mu kutaambula lubakusu lukaba na nzala lwo.

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.

Nyabusulu ya Yowane 11:3

Me sa nyaha miswa kuri bambaangi baami boboolo, mu kubikula mu fuunda dimosi nkama dzoolo na makuumi masaamunu ma biluumbu kuri balwaata matsaaka.»

Nyabusulu ya Yowane 6:12

Ha kaba dzibula kinyemu kyabisaamunu, me nyamono, butoto bwaningina mu makwa; ntaangu yaba yeki yapiinda bunu nsaanda yapiipi; na ngoondo yoyinso yaba yeki bunu makila.