Musamu wamubwete watina Matayi 11:20 - Musamu Wamubwete 2013

²⁰ Haho, Yesu wabeke kuseembe mabvula, mari nde wayirikiri bimaangu byaandi byalaka munsa mo, bukuri mo masii yiinga madyeele ko:

Musamu wamubwete watina Matayi 11:20 ပူးပေါင်းရင်းမြစ်များ

Musamu wamubwete watina Matayi 12:41

Baatu ba Ninive sa bateleme ku mutsuundu na kiseendu ki. Bo sa babwiisa kiseendu ki, bukuri baatu ba Ninive bayiingiri madyeele mu nyikusulu dza Yona. Ngo wuri hamaha, bvuriri ti na Yona!

Musamu wamubwete watina Malako 16:14

Ku nsukulu, bo kuumi na mosi, bu baba mu kudya, Yesu wabamonokono na wabaseembe mu ntoono kuhele kwa kanyi na nkubulu mitima mya bo, bukuri basii siila kanyi mu myaleeriri babo bamumwiini kuri mwaafuluka.

Musamu wamubwete watina Malako 9:19

Yesu wabvutula kuri bo ti: «Ha! Kiseendu ki kyahele na kanyi, natee mantaangu makwe me nyiba na beenu? Natee mantaangu makwe me nyikuunda beenu? Muntwalikilee hamaha!»

Biyiriki bya Bantumu 17:20

Ye wuri mu kuyukusa beetu misamu myanzeense na beetu tutiiri kuyaaba mambangukulu mu myo."

2 Kol 12:21

Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

Mukaanda wa Yakobo 1:5

Ngo mbuti muutu mu beenu wahele na madyeele, lo kaloombo kuri Nzaambi, wuhaanaa kuri bobanso kwa mungengi, na kwahele biŋaŋunu, na sa kamuha mo.

Nyabusulu ya Yowane 16:11

Bo basaana Nzaambi ya ku yulu, mu ntoono mpasi dzaaku na minuungu; kasi bahele kuyiinga madyeele mu biyiriki byaaku.

Nyabusulu ya Yowane 16:9

Baatu banyeenge mu nyangala yamakwa. Bo basaana nkuumbu Nzaambi, nde wuri na lutumu mu biteesu bya mpasi bi; kasi bahele kuyiinga madyeele mu kuha nkeembu kuri nde.

Nyabusulu ya Yowane 2:21

Me nyimuha ntaangu ya kuyiinga dyeele, ngo wahele kutya kuyiinga dyeele mu buyala bwaandi.