Musamu wamubwete watina Matayi 10:14 - Musamu Wamubwete 2013

¹⁴ Mpisi wunde wuhele kulutaambula, na wuhele kuyuka maampu ma beenu, habaanaa lupala mu nzo bunu pe mu bvula didyo, kubulee fufunda dya bitaambi byeenu.

Musamu wamubwete watina Matayi 10:14 ပူးပေါင်းရင်းမြစ်များ

Musamu wamubwete watina Matayi 10:13

Mbuti nzo yiyo yayelemene, lo hemese kiyeengi kyeenu kiba mu yo. Ngo mbuti yahele kuyelemene, lo hemese kiyeengi kyeenu kibvutuka kuri beenu-meene.

Musamu wamubwete watina Matayi 18:5

Na wunde wutaambula ti mosi mu mwaa-baala bari bunu wu, mu nkuumbu yaami, lo me kataamburi.»

Musamu wamubwete watina Malako 6:11

Ha bula bu babisiri kulutaambula na kuluywiila, bu luri mu kweende, lo kubulee fuunda diri mu miilu myeenu, mpisi kiba kimbaangi kuri bo.»

Musamu wamubwete watina Malako 9:37

«Mpisi wunde wutaambula, mosi mu mwaa-baala ba bumabu, mu nkuumbu yaami, lo me kataamburi; na mpisi wutaambula me, lo kari me kataamburi ko, ngo wunde wampeeke.»

Musamu wamubwete watina Luka 9:48

na waleele kuri bo ti: «Mpisi wunde wutaambula mwaa-mwaana wu mu nkuumbu ya me, lo me kataamburi; na mpisi wunde wutaambula me, lo wunde wampeeke kataamburi. Bukuri wunde wu bvuriri bulesi ha kakati dya beenu, lo nde ngo mukuutu.»

Musamu wamubwete watina Luka 9:5

Babo babisa kulutaambula, lubaana lupala mu bvula didyo, lo kubulee fuunda diri mu bitaambi byeenu, mpisi kiba kimbaangi mu bubi bwa bo.»

Musamu wamubwete watina Yowane 13:20

Mu ngwanwa mu ngwanwa, me nyiluleele, wunde wutaambula wu nyiheeke me, lo me kataambula se, na wunde wutaamburi me, lo wunde wampeeke kataamburi.»

Biyiriki bya Bantumu 13:51

Bamaba bakubula fufunda dya bitaambi bya bo, na bayende ku Ikonyo.

Biyiriki bya Bantumu 18:6

Mukwongo, Bayudayo bu baba kwemunyaafuna na kwemutuka, nde wakubula binkuta byaandi na wabaleele ti: "Makila ma beenu mabwa ha yulu mitu myeenu, me nyahele na kibila mu mo; mu lumalu, me ntalisiri kuri bangooyi."

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.