Musamu wamubwete watina Luka 9:39 - Musamu Wamubwete 2013

³⁹ Mono, mpeeve mosi bu yimusiimba, lo hanaho nde bekiri kufula. Mpeeve yimunyingisa mu makwa, na fula dipala mu munwa, yimubamisa na yahele kutya kumupatula.

Musamu wamubwete watina Luka 9:39 ပူးပေါင်းရင်းမြစ်များ

Musamu wamubwete watina Malako 9:18

Mbuti Mpeeve yiyo yimwaamubaka, lo yimutubiri ha nsi, lo fulu dipala mu munwa, wukweete miinu na nyutu yikaangama. Me ndeerirye kuri bayiki ba ye, mpisi babinga mpeeve yiyo, ngo bahele kubangisina.»

Musamu wamubwete watina Malako 9:20

Bamunatikina nde, na mpeeve yiyo bu yamono Yesu, hanaho yanyingisa mwaana mu makwa; nde wabwa ha nsi, wabeke kwenengumuke kuri fulu dikwemupala mu munwa.

Musamu wamubwete watina Malako 9:26

Bu yafula misaakulu, yamunyingisa mu makwa, na yapala. Mwaana waba weki bunu wafwa, na baatu balaka baba beki leele ti: «Mwaafwa.»

Musamu wamubwete watina Luka 4:35

Yesu waŋaŋana mpeeve yayibi yiyo, na waleele ti: «Kaanga munwa waaku, na pala mu muutu wu!» Mpeeve yayibi yatuba muutu wunde ha nsi, ha kakati dya baatu, na yapala mu nde kwahele kumumonoso mpasi.

Musamu wamubwete watina Luka 8:29

Bukuri Yesu waba tuma kuri mpeeve yayibi, mu kupala mu muutu wunde. Mukwongo, mbala dzalaka mpeeve yiyo yaba musiimbaana. Baba mukaangaana mu masyeene na mu biseengu mu kumukebe; ngo kasi lo wubitaandula. Mpeeve yayibi yiyo yaba munataana mu mansi mankatu.

Musamu wamubwete watina Luka 9:38

Na mono, muutu mosi kunsa mpuumbu wabikisa, waleele ti: «Muyikisi, me nyikuyingukila mu kusyeetele kisoosi ha yulu mwaana me, bukuri wunu nde nyiri na nde.

Musamu wamubwete watina Luka 9:40

Me nyingukiryee bayiki ba ye mpisi bapalisa mpeeve yiyo, ngo basii bangusinaa ko.»

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

Nyabusulu ya Yowane 9:11

Mbyaasi bo, ngo mbasi ya lubila; mu kihebeleho, «Abadoni», mu kihelene «Apolyoni.»