Musamu wamubwete watina Luka 9:18 - Musamu Wamubwete 2013

¹⁸ Kiluumbu kimosi, Yesu waba saambilaana ha lumperi, na bayiki baandi se baba kintwaari na nde. Nde wabafuula ti: «Mampuumbu makweleele ti me na nyiri?»

Musamu wamubwete watina Luka 9:18 ပူးပေါင်းရင်းမြစ်များ

Musamu wamubwete watina Matayi 14:23

Bu kamana kubvutula mampuumbu, nde wanwaata ku yulu mulaandu, ku lumperi mu kwesaambila. Nsinsika bu yatubuka, nde waba nde mukaka kukwo.

Musamu wamubwete watina Matayi 26:36

Yesu wayende na bayiki baandi ku kibeendu kimosi kiri nkuumbu Ngetesemane. Nde waleele kuri bo ti: «Dzakalee hamaha mu ntaangu yi nyisasika me, mu kwesaambila hanii.»

Musamu wamubwete watina Luka 11:1

Yesu waba saambilaana ha kibeendu kimosi. Bu kamana kusaambila, mosi mu bayiki baandi wamuleele ti: «Mfumu, yikisa beetu bwa kusaambikila bunu bwayikisa se Yowane kuri bayiki baandi.»

Musamu wamubwete watina Luka 3:21

Baatu bobanso bamana kutaambula mbotokulu, Yesu se bamubotoko. Bu kaba mu kusaambila, yulu dya dzibuma,

Musamu wamubwete watina Luka 6:12

Mu biluumbu bibyo, Yesu wayende ku yulu milaandu mu kweesaambila, na walutisa butsuku bwa butsiina mu kusaambila Nzaambi.

Musamu wamubwete watina Luka 9:19

Bo babvutula ti: «Babamosi ti: ye ngo Yowane Mubotiki; bakaka ti: Eliya; na bakimi ti: mosi mu babikiri babakulu wafulukiri.»

Musamu wamubwete watina Luka 9:28

Biluumbu kampe mpoomo byalutiri ha mambisa ma maampu mamo, [tumi] Yesu kaholaa Petelo, Yowane na Yakobo wanaaka na bo ku yulu mulaandu mu kwesaambila.

Musamu wamubwete watina Luka 9:29

Mu ntaangu yi kaba saambilaana, kidziri kyaandi kyayiinga nzelu, na kinkuta kyaandi kyaba kyeki kyahembeke na kiseme bunu nseremi.