Musamu wamubwete watina Luka 8:34 - Musamu Wamubwete 2013

³⁴ Batari ba bangulu, bu bamwiini mayirimini, bayitika na bayende kweyaabisa kunsa bvula na mu mabula.

Musamu wamubwete watina Luka 8:34 ပူးပေါင်းရင်းမြစ်များ

Musamu wamubwete watina Matayi 28:11

Bu bari mu kweende, mono babamosi mu bakebi bayisiri kunsa bvula, bayaabisa bakuutu ba bangaanga-nzaambi momanso mayirimini.

Musamu wamubwete watina Matayi 8:33

Baba kwekebe bangulu bayitika, babvutuka ku bvula, bayaabisa myominso mimyo, na mayirimini mu baatu baba na mampeeve mamabi.

Musamu wamubwete watina Malako 5:14

Batari ba bangulu bayitika na bayende kweyaabisa ntoono yiyo, kunsa bvula na mu mabula. Baatu bayisa mu kumono mamo mayirimini.

Musamu wamubwete watina Luka 8:33

Mampeeve mamabi bu mapala mu muutu wunde, makoto mu bangulu. Mpuumbu bangulu yabununa ku nsuku mulaandu, yabwa mu mubu, na yadyaama.

Musamu wamubwete watina Luka 8:35

Baatu bapala mu kumono mayirimini, bayisa kuri Yesu na bamono muutu wapariri mampeeve mamabi, walwaata, wamutsiina na wadzakala ha miilu mya Yesu. Bo bamono boomo.