Musamu wamubwete watina Luka 8:13 - Musamu Wamubwete 2013

¹³ Bari ha yulu tari, ngo babo bari bu bayukiri, bataamburi maampu mu kiminu, ngo kasi bo bahele na myaansi. Bo basa kanyi mu mwaa-ntaangu mosi, ngo mu ntaangu ya nsindukulu basasukiri.

Musamu wamubwete watina Luka 8:13 ပူးပေါင်းရင်းမြစ်များ

Musamu wamubwete watina Malako 6:20

bukuri Erode waba kwebataa Yowane, bu kaba kayaari ti nde muutu wasuunguma na wangisi, na waba kwemukalaana. Erode haba bu kayuka ma leele Yowane, lo weki dunga kwalaka; ngo waba na kiminu mu kuyuka ma kaleele.

Musamu wamubwete watina Luka 8:12

Luteembu lwa nzila ngo baatu bari, bamana kuyuka maampu, ha mambisa haho, dyabulu wiisiri, na yisiri maampu mu mitima mya bo, mu kubata kuri ti bakwiisa kusa kanyi na baba babvuukusu.

Musamu wamubwete watina Luka 8:14

Bibwiiri kunsa manseende, ngo babo bamwaayuka, ngo minyoongi, busina na biminu bya kidziingu bikwebaswetekese mu nzila, na bahele kutubuka ku kuyele.

Musamu wamubwete watina Yowane 15:2

Nde kooyisilaa mpisi kimpaala kiri mu me, kyahele kuha bimbutu; na nde wu bweeyesaa mpisi kimpaala kiri na bimbutu, mpisi kabvula kubuta bimbutu.

Musamu wamubwete watina Yowane 15:6

Mbuti muutu wahele kunamintina kuba mu me, lo kumulooso ku mbasi, bunu kimpaala, na kikanini. Bimpaala byakana babikutukisaana, babitubiri ku mbaawu, na biyiiri.

Musamu wamubwete watina Yowane 5:35

Yowane waba bunu mwiinda wanamuku na wuri mu kweseme; ngo beenu lwatiiri kukeembe mu mwaa-kilookolo kimosi, mu buungi bwaandi.

1 Kol 13:2

Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

1 Kol 15:2

Mu nde beenu lutaambula mvuukulu, mbuti lumukebiri mu kiteesu ki nyiri nyaluyaabisila nde; mbuti kari bubwo ko, lo kwa buunu luri lwasiila kanyi.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Ngalatya 3:4

Buri momanso ma luri lwayika mamo mabuunu? Heki mbuti ngwanwa ti mabuunu!

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Kolosayi 2:7

bu lwayeki lwamene myaansi, lwatuungu mu nde, na lwasyaamusu mu kanyi, bunu bu bari baluyikisa, bvutuleenu matoondo ha yulu matoondo.

1 Tes 3:5

Hango-nkuumbu, me nkoonaa kukiinga, ha nyaheekiri Timoteho mu kwiisa kuyaaba bunu buri kanyi dya beenu, mu kubata kuri ti Musindukiri kakwiisa kulusindukila na kisalu kya beetu kihele kuba kya buunu.

1 Tim 1:19

bu wuri na kanyi na nsimunu yayibwete. Nsimunu yiyo babamosi bayeki bayilooso, na mu mitariri kanyi bo bayeki bapatuka mu maampa.

Mukaanda kuri Bahebeleho 10:39

Beetu turi babo bakooyekelaa mu kudziimbila ko, ngo turi babo bari na kanyi mu kukala miheebulu myeetu.

Mukaanda wa Yakobo 2:26

Mukwongo, bunu buri nyutu yahele na muwuumunu yiri yafwa, bunubwo se kanyi dyahele na biyiriki diri dyafwa.

2 Pet 2:20

Mukwongo, mbuti babaanaa bamwabvuuka mu nsumukunu dza nsi, mu ntoono nyaabulu ya Mfumu na Mubvuukisi weetu Yesu Kiristo, babweesiri kuba bakaangama lukimi mu nsumukunu dzidzo, na beki batumuma, lo kiteesu kya bo kisyeeriri, kyeki kibvuriri bubi ti na kyatete.

2 Pet 2:22

Ma leele nkuma yangwanwa ma mwaa kubatubukila: «Mbwa yibweesiri kubvutukila biluku byaandi», na: «ngulu yibayoosiri, yibvutukiri ku tamba.»

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

Mukaanda Yuda 1:12

Bamaba ngo bo, bangaa-kisaangila, kunsa ndiilu yeenu ya kimpaangi, bakwekeembe mu ndiilu ya mawaamba kwahele boomo, bakwebuungula manyutu ma bo-meene, bo ngo matuti mahele maampa, makweheembeke mu kiteembu, miti mya manunu ndoolo, myahele na bimbutu, myafwa mfwa dzoolo, myataabuka.