Musamu wamubwete watina Luka 7:24 - Musamu Wamubwete 2013

²⁴ Bantumu ba Yowane bamanaa kubvutuka, Yesu wabeke kudzoonso kuri mampuumbu mu ntoono Yowane ti: «Nki beenu lweensyee kumono ku nsi yankatu? Dyaari dyanyingusu mu kiteembu?

Musamu wamubwete watina Luka 7:24 ပူးပေါင်းရင်းမြစ်များ

Musamu wamubwete watina Luka 1:80

Mwaa-mwaana waba kwebuukaana, na kwebaka makwa mu kimpeeve. Nde wadzakala ku nsi yankatu natee kiluumbu ki kamonikini nde kuri Isaheli.

Musamu wamubwete watina Luka 3:2

Ana bo na Kayafa baba bakuutu ba bangaanga-nzaambi. Mu ntaangu yiyo Nzaambi wadzoonso kuri Yowane, mwaana Dzakariya, mu nsi yankatu.

Musamu wamubwete watina Luka 7:23

Kiminu kuri wunde wuhele kubwa mu ntoono me!»

Musamu wamubwete watina Luka 7:25

Heki nki beenu lweensyee kumono? Muutu walwaata binkuta byabibwete? Hambeti, balwaataa binkuta byabibwete, na bari mu lwambwe mu manzo ma bambyaasi bakoobaanaa.

Musamu wamubwete watina Yowane 1:23

Nde waleele ti: «Me nyiri "mbeembu, ya wunde wukwebikisa mu nsi yankatu ti: Suungukeenu nzila Mfumu!"» Bunu bwaleele mubikiri Esaya.

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

2 Pet 2:17

Baatu babo ngo manto mahele maampa, mibuungi mikweyende mu kiteembu, bari babawungukila mampimbisi ma bu bokoro.

2 Pet 3:17

Ngo beenu, banduku ba mutima, bu lumwaalubuka, seenee madyeele, mpisi heki luhele kuba bawumunu, mu nzimbusulu ya baatu bahele na mangisi, na luhele kubwa mu nsiitu ya beenu-meene.