Musamu wamubwete watina Luka 6:42 - Musamu Wamubwete 2013

⁴² Buri ye wutsiitsa kuleele kuri mbaasi yaaku ti: "Mbaasi me, hemese me nyisila kisesengu kiri mu diisu dya ye"; koomosoko wahele kumono mubaangu wuri mu diisu dya ye-meene? Ye ngaa-bumpitu-bumpyoongo! Yisileeti mubaangu wuri mu diisu dyaaku, tumi ye mono na kensekelee mu kuyisila kisesengu kiri mu diisu dya mbaasi yaaku.»

Musamu wamubwete watina Luka 6:42 ပူးပေါင်းရင်းမြစ်များ

Musamu wamubwete watina Matayi 26:75

Petelo wabaambuka mwooyo mu musamu waba muleele Yesu ti: «Tekesele mulumi nsusu kakookolo, ye sa tuna me mbala tatu.» Na bu kapala ku mbasi, wadila mu ngebe.

Musamu wamubwete watina Matayi 7:3

Buri ye wutala kisesengu kiri mu diisu dya mpaangi yaaku, ngo kasi ye wahele kumono mubaangu wuri mu diisu dyaaku?

Musamu wamubwete watina Matayi 7:4

Bunu pe buri ye wutsiitsa kuleele kuri mpaangi yaaku ti: "Hemese me nyisila kisesengu kiri mu diisu dya ye", kuri ye-meene wuri na mubaangu mu diisu dyaaku;

Musamu wamubwete watina Luka 13:15

Mfumu wabvutula kuri nde, waleele ti: «Beenu bangaa-bumpitu-bumpyoongo, buri mpisi muutu mu beenu mu kiluumbu kya mpuumunu, kakoonyangunaa ngoombo yaandi ko, bunu pe mpuunda ko mu kidiilulu na kweemunwiisa maampa?

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Musamu wamubwete watina Luka 6:41

Buri ye wumono kisesengu kiri mu diisu dya mbaasi yaaku, ngo wahele kumono mubaangu wuri mu diisu dya ye-meene?

Musamu wamubwete watina Luka 6:43

«Mukwongo, kwahele muti wamubwe, wukoobutaa bimbutu byabibi, na kwahele se muti wamubi wukoobutaa bimbutu byabibwe.

Biyiriki bya Bantumu 13:10

waleele ti: "Ho ye waluula mu mawunu na mu kwiibi, mwaana dyabulu, mutaatu nsungumunu, buri ye wuhoto ko mu kwetengemese ma nzila [ma] Mfumu masuunguma?

Biyiriki bya Bantumu 2:38

Petelo waleele kuri bo ti: "Yiingeenu madyeele [bubwo kaleeriri] na mosi-mosi mu beenu kataambula mbotokulu mu nkuumbu ya Yesu Kiristo, mu mpemusunu ya masumu ma beenu, tumi lutaambula kikabu kya Mpeeve Yangisi.

Biyiriki bya Bantumu 8:21

Ye wahele na ndaambu, wahele se na kikuuku mu maampu mamama, bukuri mutima ye wahele kusuunguma ha busu bwa Nzaambi;

Mukaanda kuri bari Loma 2:1

Hango-nkuumbu, ye muutu, wuri mutsuundisi, wuri mbakila mpemisi ko bwooso ye beele; bukuri ye wubaanaa wutsuundisa mbaasi, lo nyutu ye-meene wuri mu kubwiisa, bukuri ma wutsuundisila mbaasi, ye-meene se manamo wuri mu kuyirika.

2 Kol 5:18

Byobinso byafumuna kuri Nzaambi, nde wabweese kusa nyukusunu ha kakati dya beetu, na nde-meene mu Kiristo, na watuha kisalu kya kubweese kwesuusa nyukusunu.

2 Tim 2:21

Ngo mbuti muutu tsyeemisini nyutu yaandi mu mamabi mamo, lo nde sa kaba lukoombo lwa lukiinsu, lwawuunguku, luri mufunu kuri Mfumu, mu kulusalila mu mpisi ma bayirikaa mamabwete.

2 Pet 1:9

ngo muutu wahele na mamo, lo wafwa miisu, bunu pe wahele kwemono biri ku la, wayeki wadzimbikina nsyemukunu mu masumu maandi mamakulu.