Musamu wamubwete watina Luka 6:28 - Musamu Wamubwete 2013

²⁸ Sakumunee babo bakwelubulila mampopi; saambileenu mu ntoono babo bakwelufutukila misamu.

Musamu wamubwete watina Luka 6:28 ပူးပေါင်းရင်းမြစ်များ

Musamu wamubwete watina Matayi 5:44

Ngo me nyiluleele ti: Tyeenee bataatu beenu, na saambilee mu babo bakwelunwaanisa,

Musamu wamubwete watina Luka 23:34

[Haho, Yesu waleele ti: «Taata, wubahemesene, bukuri bahele kuyaaba ma bari mu kuyirika.»] Bo bakabula binkuta bya nde mu nteelulu wari.

Musamu wamubwete watina Luka 6:27

«Ngo kasi, me nyileele kuri beenu luri mu kunywiila ti: Tyeeneenu bataatu beenu, yirikeenu mamabwe kuri bakwelubele.

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Biyiriki bya Bantumu 14:5

Bukuri kwamonoko kutya kuri bangooyi na kuri Bayudayo kintwaari na bamfumu ba bo, mu kubakwaamisa na mu kubadzusila mu matari,

Biyiriki bya Bantumu 7:60

Bu katsukuma, wafula musaakulu mu mbeembu yayinene ti: "Mfumu, yaa bataangula sumu dimadi ko." Bu kaleele mamo, Nde wabwa tolo.

Mukaanda kuri bari Loma 12:14

Sakumunee babo bakwelukwaamisa, basakumunee yaa lubabulula mampopi ko.

1 Kol 4:12

na turi mu kwemono mpasi mu kwesala mu myooko mya beetu-meene. Bakwetutuka, ngo beetu tukwesakumuna; turi bakwaamusu, ngo beetu tukwekuunda;

Mukaanda wa Yakobo 3:10

Mu munwa ndemosi mupala lusakumunu na mampopi. Bampaangi baami, bwahele kuyelemene ti buba bubwo.

1 Pet 3:9

yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.