Musamu wamubwete watina Luka 6:13 - Musamu Wamubwete 2013

¹³ Bwiisi bu bwakya, nde wateele bayiki baandi mbila, na wasoolo kuumi na boolo mu bo, wabaluka nkuumbu bantumu.

Musamu wamubwete watina Luka 6:13 ပူးပေါင်းရင်းမြစ်များ

Musamu wamubwete watina Matayi 10:2

Mankuumbu ma bantumu bo kuumi na boolo ngo mamama: watete Simoni, wu bakooteelaa ti Petelo, tumi Andere, mpaangi yaandi; Yakobo na Yowane mpaangi yaandi, bo boolo baala ba Dzebedayi,

Musamu wamubwete watina Matayi 19:28

Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Matayi 9:36

Bu kamono mampuumbu ma baatu, nde wamono ngebe kunsa mutima, mu ntoono baatu babo, bukuri baba beki makwa pe, na bari na ngebe bunu bimeeme byahele na mutari.

Musamu wamubwete watina Malako 6:30

Bantumu bakutukuna bebele na Yesu, na bamuyaabisa momanso maba yirikiri na ma bayikisiri.

Musamu wamubwete watina Malako 6:7

Yesu wateele bo kuumi na boolo mbila, wabaandika mu kubasindika boolo-boolo, na wabaha lutumu ha yulu mampeeve mamabi.

Musamu wamubwete watina Luka 11:49

Hango-nkuumbu madyeele ma Nzaambi maleele ti: "Me sa nyabaheekele babikiri na bantumu; na bo sa badzusa babamosi, na kukwaamisa bakaka",

Musamu wamubwete watina Luka 22:30

mpisi heki beenu ludya, na lunwa ha taabala dya me, mu Kimfumu kyaami, na beenu sa lwadzakala ha yulu mamboloko mu kutsuundisa makaanda kuumi na moolo ma Isaheli.»

Musamu wamubwete watina Luka 6:14

Simoni wukaluka Petelo, Andere mpaangi yaandi, Yakobo, Yowane, Filipo, Bartelemi,

Musamu wamubwete watina Yowane 4:33

Bayiki bafulusina bo na bo ti: «Buri muutu wumutweesikiryee byandya?»

Biyiriki bya Bantumu 1:13

Bu bakoto mu bvula, bo batoomboko ku kihekiri kya ku yulu, ku baba na kifu kya kukutukunaa; kwaba Petelo, Yowane, Yakobo, Andere, Filipo, Toma, Bartelemi, Matayi, Yakobo mwaana Alafayi, Simoni mudzeloti na Yuda mwaana Yakobo.

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Efeso 4:11

Na nde-meene wasa kuri ti, babamosi baba bantumu, bakaka babikiri, bakimi madingisi, bakaka se batari, na bakimi se bayikisi.

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.

2 Pet 3:2

na lubaambuka mwooyo mu maampu matekisiri kuyaabisa babikiri bangisi, na mu lutumu lwa bantumu beenu, lwa Mfumu na Mubvuukisi.

Nyabusulu ya Yowane 12:1

Kidiimbu kyakinene kyamonoko ku yulu, mukyeetu mosi walwaata ntaangu, wateleme ha yulu ngoondo, na wuri na lukoongolo lwa bambwetete kuumi na boolo mu mutu waandi.

Nyabusulu ya Yowane 18:20

Yulu, mono kiminu mu dyo! Beenu se bangisi, bantumu na babikiri, monee kiminu, bukuri Nzaambi tsuundisiri dyo mu ntoono bubi bu kaluyirikiri!

Nyabusulu ya Yowane 21:14

Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.