Musamu wamubwete watina Luka 5:29 - Musamu Wamubwete 2013

²⁹ Levi wayirika ndiilu yayinene mu nzo yaandi. Mburi mpuumbu batori ba mpaku, na baatu bakimi baba hanaho, baba balaambula miilu, mu kudya kintwaari na bo.

Musamu wamubwete watina Luka 5:29 ပူးပေါင်းရင်းမြစ်များ

Musamu wamubwete watina Matayi 11:19

Mwaana muutu wayisa, wukwedya na wukwenwa, baatu kuleele ti: "Monee ngaa-mante ma kudya, yaa-kinwi, nduku batori ba mpaku na bangaa-masumu!" Madyeele mabaka buungu mu biyiriki byaandi.»

Musamu wamubwete watina Matayi 5:46

Bukuri mbuti beenu kutya bani ba koolutyaana, lo nkya museendu beenu lutaambula? Buri batori ba mpaku bo se kari bunubwo bakoosaanaa ko?

Musamu wamubwete watina Matayi 9:10

Bu kaba mu kudya mu nzo, mono, batori ba mpaku balaka na bangaa-masumu bayisa mu kudya kintwaari na Yesu na bayiki baandi.

Musamu wamubwete watina Matayi 9:9

Yesu, bu kaba mu kuluta, wamono muutu mosi, nkuumbu Matayi wadzakala ha kibeendu ki batolaa mpaku. Yesu waleele kuri nde ti: «Nama me!» Bu kateleme, wamunama.

Musamu wamubwete watina Malako 2:15

Yesu bu kaba mu kudya mu nzo Levi, batori ba mpaku balaka na bangaa-masumu se badya kintwaari na nde, na bayiki baandi, bukuri baatu balaka baba kwemunamaana.

Musamu wamubwete watina Luka 15:1

Batori ba mpaku bobanso na bangaa-masumu bakokosolo kuri Yesu mu kumuywiila.

Musamu wamubwete watina Yowane 12:2

Kukwo, bamuha mbyandya, na Malata wamusiila byo ha kibeendu kya kudiila. Ladzaro waba mosi mu babo baba balaambula miilu mu kudya na nde.

1 Kol 10:27

Mbuti mosi mu bangooyi, wuluteeriri mbila na lutaamburi kweende, lo dyeenee mpisi bi baluheeri, kwahele kuha bifuuri, ngo beenee na mu mutima waholo.