Musamu wamubwete watina Luka 5:27 - Musamu Wamubwete 2013

²⁷ Ha mambisa haho, Yesu wapala na wamono mutori-mpaku mosi, nkuumbu yaandi Levi, waba wadzakala ha kibeendu kiba loombaa mpaku. Nde wamuleele ti: «Nama me.»

Musamu wamubwete watina Luka 5:27 ပူးပေါင်းရင်းမြစ်များ

Musamu wamubwete watina Matayi 10:3

Filipo, Bartelemi, Toma na Matayi, mutori-mpaku; Yakobo dya Alafayi na Tade;

Musamu wamubwete watina Matayi 16:24

Hanaho, Yesu waleele kuri bayiki baandi ti: «Mbuti muutu tiiri kunama me ha mambisa, lo hemese katuna nyutu ya nde-meene, kanata kuruwa dyaandi na kanama me.

Musamu wamubwete watina Matayi 8:22

Yesu wabvutula kuri nde ti: «Nama me. Hemese bafwa bedziika bafwa baaku bo-meene.»

Musamu wamubwete watina Malako 3:18

Andere, Filipo, Bartelemi, Matayi, Toma, Yakobo, mwaana Alafayi, Tade na Simoni, wa ku Kana,

Musamu wamubwete watina Luka 18:22

Yesu bu kayuka bubwo, waleele kuri nde ti: «Kwakiri kitotolo kimosi, kiheriri kuri ye: byobinso bi wuri byo, yarika na kabula mboongo kuri bawelu, ye sa baka busina mu mayulu, na wasa nama me.»

Musamu wamubwete watina Yowane 1:43

Ha mambisa ma kiluumbu kikyo, Yesu waŋana kweende ku Ngalili. Nde wabwaana Filipo na wamuleele ti: «Nama me.»

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»