Musamu wamubwete watina Luka 5:21 - Musamu Wamubwete 2013

²¹ Haho, batini ba mangisi na Bafarisi babaandika mu kutsima na baleele ti: «Na wumawu wukweleele ma nsaanunu? Na wakuka mu kuhemesene masumu, mbuti ka Nzaambi kitsu ko?»

Musamu wamubwete watina Luka 5:21 ပူးပေါင်းရင်းမြစ်များ

Musamu wamubwete watina Matayi 26:65

Haho, mukuutu bangaanga-nzaambi wakaakila binkuta byaandi, waleele ti: «Nde saanini Nzaambi, buri tubweese kuba kwaandi na nzala bambaangi? Mu lumalu beenu luyukiri nsaanunu.

Musamu wamubwete watina Matayi 9:3

Na mono, babamosi mu batini ba mangisi, baleele kunsa mitima ti: «Muutu wu, wuri mu kusaana Nzaambi!»

Musamu wamubwete watina Luka 3:8

Ngo soongeenu biyiriki byayelemene na nyiingulu madyeele, na yaa lubaandika kweleele mu beenu-meene ko ti: "Taayi dya beetu Abalaami", bukuri me nyileele ti: mu matari ma, lo Nzaambi telemisi baala kuri Abalaami!

Musamu wamubwete watina Luka 5:17

Kiluumbu kimosi, Yesu bu kaba mu kuyikisa, Bafarisi na bayikisi ba mangisi baba badzakala. Bo bafumini mu mabula momanso ma ku Ngalili, ma ku Yudaya na ku bvula dya Yerusalemi. Mpinu dza Mfumu dzaba mu nde, mu kutsinikisa babeeru.

Musamu wamubwete watina Luka 5:22

Yesu bu kabakula bitsimi bya bo, wabvutula, waleele kuri bo ti: «Nkya mo, luri mu kwetsima kunsa mitima myeenu?

Musamu wamubwete watina Luka 7:49

Baba dyanaa kintwaari na nde, baleele mu bo-meene ti: «Nkya muutu wumawu wu kwehemesene na masumu?»

Musamu wamubwete watina Yowane 10:33

Bayudayo babvutula kuri nde ti: «Beetu twahele kudzusa ye mu matari mu ntoono kiyiriki kyakibwete, ngo mu ntoono nsaanunu, na bukuri ye muutu ye-meene weki ba Nzaambi.»

Mukaanda kuri bari Loma 8:33

Na wutsiitsa kufuunda basoolu kuri Nzaambi? Nzaambi ngo mululukisi!