Musamu wamubwete watina Luka 4:25 - Musamu Wamubwete 2013

²⁵ Mu ngwanwa me nyileele kuri beenu ti: bakyeetu ba bafwiiri baba balaka mu ntaangu ya Eliya, mu Isaheli, ha kaangimini yulu mu mibvu mitatu na mangoondo masaamunu, na ha yisiri kwaambala mu nsi yansiina.

Musamu wamubwete watina Luka 4:25 ပူးပေါင်းရင်းမြစ်များ

Musamu wamubwete watina Matayi 20:15

[Buri] me nyahele na miswa mu kuyirika ma ntiiri mu bitotolo byaami, hoti ye wuri na miisu mbengele, bukuri me ngaa-mutima-bubwete?"

Musamu wamubwete watina Luka 10:21

Mu kilookolo kinikyo, Yesu wakeembe [mu] Mpeeve Yangisi na waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele. Bunubwo Taata, ye bubwo watiiriri ti buba ha busu bwaaku.

Mukaanda kuri bari Loma 9:15

Bukuri nde waleele kuri Moose ti: «Me sa nyabakila ngebe kuri wunde wu ntiiri kubakila ngebe; na me sa mba na kyaari mu wunde wu ntiiri kumwiinina kyaari.»

Mukaanda kuri bari Loma 9:20

Heki ye muutu na wuri mu kukaalisa mbeembu kuri Nzaambi? Buri kisa lo kileeriri kuri mubuumbi ti: «Buri wuri wanyirikila bumabu?»

Mukaanda kuri bari Efeso 1:11

Mu nde, beetu twataambula saala mu nteelulu wari, batekesele kutusoolo, bunu buri bitaasi bya wunde wuyirikaana momanso, bunu buri kutya kwaandi,

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda wa Yakobo 5:17

Eliya waba muutu wuri bitsimi bunu buri beetu. Nde wasaambila mu kukaandika bvula, na bvula yasii kunoko ha butoto ko, mu mibvu mitatu na mangoondo masaamunu.

Nyabusulu ya Yowane 11:6

Bambaangi babo bari na lutumu lwa kukaanga yulu, mpisi mvula yihele kunoko, mu biluumbu bya babikula bo. Bari na lutumu se lwa kukitula maampa kuri meki makila, na lwa kuseembe butoto, mu mpasi dza bitsuumbu-bitsuumbu, bunu bu batiiriri bo.