Musamu wamubwete watina Luka 4:18 - Musamu Wamubwete 2013

¹⁸ «Mpeeve ya Mfumu yiri mu me, bukuri nde wankila maasi, mu kunata Musamu Wamubwete kuri bawelu. Nde wampeeke mu kubikisa bunsaalisi, kuri bari mu maboroko, na nsinukunu kuri bafwa miisu, kubvutula bari mu nkwaamusunu kunsa bunsaalisi,

Musamu wamubwete watina Luka 4:18 ပူးပေါင်းရင်းမြစ်များ

Musamu wamubwete watina Matayi 11:5

Bafwa miisu bamono, na bikata bikweyende, babeele bwaasi batsyeemekusu, bafwa makutu bayuka, bafwa bafuluka, na Musamu Wamubwete bari mu kuyaabisa kuri bawelu.

Musamu wamubwete watina Matayi 12:18

«Wu ngo kisari kyaami, ki nyiri nyasoolo, mwaana waami wa mutima, wu nkoomwiina me kiminu. Me nsa nsuusa Mpeeve yaami mu nde, na nde sa kayaabisa mutsuundu kuri makaanda.

Musamu wamubwete watina Matayi 12:20

Nde kafifina dyaari dyeki dyafwooboko ko, ka kadzimisa luleembe lwa mwiinda lwakiri mu kufwiita ko, natee ku kalulukisa nde nsungumunu;

Musamu wamubwete watina Matayi 4:16

Baatu badzakala kunsa mampimbisi, bamwiini buungi bwabunene; buungi bumonokini, kuri babo badzakala mu nsi na ha mposi ya lufwa!»

Musamu wamubwete watina Matayi 5:3

«Kiminu kiri na ba bawelu mu mpeeve, bukuri Kimfumu kya mayulu kya bo!

Musamu wamubwete watina Luka 4:17

na bamuyakisa mukaanda wa mubikiri Esaya. Bu kamuyalimina, wamono ha kibeendu kyaba kyatina ti:

Musamu wamubwete watina Luka 6:20

Nde bu kasyeetele miisu myaandi kuri bayiki baandi, waleele ti: «Kiminu kuri bawelu, bukuri Kimfumu kya Nzaambi kya beenu.

Musamu wamubwete watina Luka 7:22

Tumi nde wabvutula kuri bo ti: «Bu lubvutuka yaabiseenu kuri Yowane mamo ma lumwiini na ma luyukiri: bafwa miisu bari mu kumono, bikata biteleme, babeele bwaasi batsyeemeke, bafwa makutu bayuka, bafwa bari mu kufuluka, na bawelu bari mu kutaambula Musamu Wamubwete.

Musamu wamubwete watina Yowane 1:41

nde watekesele kumono mpaangi yaandi Simoni na wamuleele ti: «Beetu tumwiinyee Mesya», mbangukulu ti «Kiristo.»

Musamu wamubwete watina Yowane 12:46

Me ngo buungi, nyayisa ha nsi, mu kuri ti mpisi wunde wusa kanyi mu me, kahele kunamitina kuba ku mampimbisi.

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

Biyiriki bya Bantumu 10:38

Dyaburi Nzaambi kalwiikirye Yesu wa ku Nadzareti Mpeeve Yangisi na mu mpinu. Nde wabee kwelutaana mu kweyirika mamabwe na kwetsinikisa bobanso babeeri kunsa nkwamusunu dza dyabulu, bukuri Nzaambi wabeeri na nde.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Biyiriki bya Bantumu 4:26

Bambyaasi ba butoto bayirima, na bamfumu bakutukina, babvuutuna ha kimosi mu kunwaanisa Mfumu, Kiristo dyaandi."

Biyiriki bya Bantumu 4:27

Mukwongo, mu ngwanwa, Erode, Pontyo Pilato kintwaari na bangooyi na baatu ba Isaheli, bamwaakutukina munsa bvula dimadi, mu kunwaanisa kisari kyaaku kyangisi, Yesu wu wuri wakila maasi,

Mukaanda kuri bari Kolosayi 1:13

Nde watupalisa mu lutumu lwa mampimbisi, na watunata mu Kimfumu kya Mwaana wa ntiilu yaandi.

Mukaanda wa Yakobo 2:5

Bampaangi baami ba mutima, yukeenu: Buri kari Nzaambi ko wasooriri bari bawelu mu mya nsi ngo bisina mu mitariri kanyi, na bakondiri ba Kimfumu ki kari kasa lusiilulu kuri babo bamutyaanaa?

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.