Musamu wamubwete watina Luka 4:15 - Musamu Wamubwete 2013

¹⁵ Nde waba kweyikisaa mu manzo ma nkutukunu ma bo, na bobanso bamukeembese.

Musamu wamubwete watina Luka 4:15 ပူးပေါင်းရင်းမြစ်များ

Musamu wamubwete watina Matayi 13:54

Bu katubuka ku nkoonsi ya nde-meene, nde wabayikisa mu nzo-nkutukunu ya bo-meene, mu kiteesu kiri bo bakimuka na baleele ti: «Kuri kabakiri madyeele ma, na bimaangu bi?

Musamu wamubwete watina Matayi 4:23

Tumi Yesu wayende mu Ngalili yoyinso, mu kweyikisa munsa manzo ma nkutukunu ma bo, na kweyaabisa Musamu Wamubwete wa Kimfumu, na kwetsinikisa mabeeru momanso, na bipfuumi byobinso bya baatu.

Musamu wamubwete watina Matayi 9:35

Yesu waba kweyendaana, mu mabvula momanso na mu mabula, kuri wukweyikisa munsa manzo ma nkutukunu ma bo, wukweyaabisa Musamu Wamubwete wa Kimfumu, na wukwetsinikisa mabeeru momanso na bipfuumi byobinso.

Musamu wamubwete watina Matayi 9:8

Mampuumbu, bu bamono bubwo, babaka boomo na makeembese Nzaambi, waheeri lutumu lwa bubwo kuri baatu.

Musamu wamubwete watina Malako 1:27

Baatu bobanso babwiilila kinkuuka kuri bafulusina bo na bo: «Nki bi? Nyikusulu yamoono mu lutumu! Nde wuha ntumunu kuri mampeeve mamabi, na mo mari mu kwemutumumina!»

Musamu wamubwete watina Malako 1:39

Nde wayende mu nkoonsi yoyinso ya Ngalili, mu kweyikisa mu manzo ma nkutukunu, na kwebingisa mampeeve mamabi.

Musamu wamubwete watina Malako 1:45

Ngo kasi muutu wunde, bu kapala, wabaandika mu kwebikisa kwalaka na kwetsamikisa musamu wunde, mu kiteesu kiri Yesu waba weki ti bwa kukotolo pe, mu bunsaalisi kunsa bvula; ngo nde waba weki kwebaanaa ku mbasi, mu bibeendu bya nde mukaka. Baatu baba fumunaa mu mampele ngo mampele mu kweende kuri nde.

Musamu wamubwete watina Luka 13:10

Yesu waba yikisaana mu nzo-nkutukunu mu kiluumbu kya mpuumunu.

Musamu wamubwete watina Luka 4:16

Yesu wayende ku Nadzareti ku kabuukiri. Mu kiluumbu kya mpuumunu, nde wakoto mu nzo-nkutukunu bunu bwaba kifu kyaandi. Nde wateleme mu kutaanga,