Musamu wamubwete watina Luka 3:8 - Musamu Wamubwete 2013

⁸ Ngo soongeenu biyiriki byayelemene na nyiingulu madyeele, na yaa lubaandika kweleele mu beenu-meene ko ti: "Taayi dya beetu Abalaami", bukuri me nyileele ti: mu matari ma, lo Nzaambi telemisi baala kuri Abalaami!

Musamu wamubwete watina Luka 3:8 ပူးပေါင်းရင်းမြစ်များ

Musamu wamubwete watina Matayi 21:43

«Hango-nkuumbu, me nyileele kuri beenu ti, Kimfumu kya Nzaambi, sa baluyusula na kyo, na sa baha kyo kuri kaanda dibuta bimbutu. [

Musamu wamubwete watina Matayi 3:8

Soongeenu biyiriki byayelemene na nyiingulu madyeele,

Musamu wamubwete watina Matayi 3:9

na yaa lubeke kweleele mu beenu-meene ko ti: "Taayi dya beetu Abalaami." Bukuri me nyiluleele ti: mu matari ma lo Nzaambi telemisi baala kuri Abalaami!

Musamu wamubwete watina Luka 13:25

«Mu ntaangu yiri ngaa-nzo, mwaateleme na mwaakaanga mweelu, haho beenu lubaandika kuteleme ku mbasi, na kukomboto ha mweelu, na kuleele ti: "Mfumu, wutudzibukila." Nde bu kabvutula sa kaleele kuri beenu ti: "Me nyahele kuyaaba beenu kari ba kuri!"

Musamu wamubwete watina Luka 13:26

Haho, beenu lubaandika kuleele ti: "Beetu twadiiri ha busu bwa ye, na ye wayikisiri mu manzila ma beetu."

Musamu wamubwete watina Luka 14:9

wunde wuluteeriryee mbila beenu boolo kaleele kuri ye ti: "Muha kibeendu", na haho ye wubaandika kumono nsoni, mu kwedzakala ha kibeendu kya mpotulu.

Musamu wamubwete watina Luka 19:40

Nde wabvutula waleele ti: «Me nyiluleele ti, mbuti bo bawuriri, lo matari sa mafula misaakulu.»

Musamu wamubwete watina Luka 19:9

Yesu waleele kuri nde ti: «Lolo di mvuukulu yikotiri mu nzo yimayi, bukuri wu se mosi mu baala ba Abalaami.

Musamu wamubwete watina Luka 5:21

Haho, batini ba mangisi na Bafarisi babaandika mu kutsima na baleele ti: «Na wumawu wukweleele ma nsaanunu? Na wakuka mu kuhemesene masumu, mbuti ka Nzaambi kitsu ko?»

Musamu wamubwete watina Yowane 8:33

Bo babvutula kuri nde ti: «Beetu twapalila mu Abalaami, na beetu ka twabeeri mu bunkutu kuri muutu ko. Dyaburi ye wuleele ti: "Beenu sa lwaba mu bunsaalisi"?»

Musamu wamubwete watina Yowane 8:39

Bo babvutula baleele kuri nde ti: «Taayi dya beetu, Abalaami.» Ngo Yesu waleele kuri bo ti: «Mbuti beenu lubeeri baala ba Abalaami, nkani beenu luketyee kusa biyiriki bya Abalaami.

Biyiriki bya Bantumu 26:20

Kubaandukila kuri bari ku Damasiko, tumi bari ku Yerusalemi, nkoonsi yoyinso ya Yudaya, na kuri bangooyi, nyayikisa ti bayiinga madyeele, na babvutuka kuri Nzaambi, na basalila biyiriki byayelemene na nyiingulu madyeele.

Mukaanda kuri bari Loma 4:16

Hango-nkuumbu, saala kubakila mu nzila ya kanyi, mpisi heki mu bweese lusiilulu luba lwatswiikama kuri bobanso bapalila mu Abalaami, kari bani bapalila mu mangisi ko, ngo bapalila se mu kanyi dyaandi. Nde wuri taayi dya beetu-banso,

Mukaanda kuri bari Loma 9:7

na babo bapalila mu Abalaami, bobanso ka bari baala ba nde ko, kasi: «Mu Isaki, ye wubaka babo babateele ti bapalila mu ye.»

Mukaanda kuri bari Filipo 1:11

na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.