Musamu wamubwete watina Luka 22:41 - Musamu Wamubwete 2013

⁴¹ Tumi nde wayende mwaa kibeensi, kiri lo kampe bunu kimpeelu kya tari, na bu katsuka maboongo ha nsi, wasaambila,

Musamu wamubwete watina Luka 22:41 ပူးပေါင်းရင်းမြစ်များ

Musamu wamubwete watina Matayi 26:39

Bu kayende mwaa kimamanga, nde wabwa kuri watsuka busu ha nsi, wasaambila waleele ti: «Taayi dyaami, mbuti bwakuka, lo hemese mbasa yimayi yiluta la na me. Kasi kari bu ntiiri me ko, ngo bu tiiri ye.»

Musamu wamubwete watina Malako 14:35

Bu kayende mwaa-kimamanga, wabwa ha nsi, na wasaambila ti, mbuti buri bwakuka, lo kilookolo ki kilabuka la nde.

Musamu wamubwete watina Luka 18:11

Mufarisi bu kateleme wasaambila kunsa mutima ti: "Ho! Nzaambi, me mvutiri matoondo kuri ye, bukuri me nyahele kuba bunu baatu bakaka bari bangaa-kwiibi, bangaa-bubayi, bangaa-kimpala, bunu pe, buri mutori-mpaku wumawu.

Musamu wamubwete watina Luka 18:13

Ngo kasi, mutori-mpaku, bu kaba wateleme mwaa-lutaki, waba wahele kutya ti kusyeetele miisu ku yulu, ngo waba yalaa myooko myaandi na kuleele ti: "Ho! Nzaambi, bakila me ngebe, me nyiri ngaa-masumu."

Biyiriki bya Bantumu 20:36

Bu kamana kuleele mimyo, nde watsuka maboongo ha nsi, na wasaambila na bobanso.

Biyiriki bya Bantumu 21:5

Biluumbu bya kulitisa haho bu byawa, beetu twayende. Bo batufila mu kintwaari na bakasi na baala, natee ku mbisa bvula, na bu twatsukuma ha simu dya mubu ha twasaambila.

Biyiriki bya Bantumu 7:60

Bu katsukuma, wafula musaakulu mu mbeembu yayinene ti: "Mfumu, yaa bataangula sumu dimadi ko." Bu kaleele mamo, Nde wabwa tolo.

Biyiriki bya Bantumu 9:40

Petelo bu kapalisa bobanso ku mbasi, nde watsukuma, wasaambila, na bu kasyeeteke kwaba nyutu waleele ti: "Tabita, teleme". Tabita wadzibula miisu, bu ka mono Petelo, nde dzakiri.

Mukaanda kuri Bahebeleho 5:7

Nde wuri mu biluumbu bya kidziingu kya muswiini waandi, wasaambila na wayiingikila, mu misaakulu myamila na mansangasa, wunde waba wakuka mu kumubvuukisa mu lufwa, na nde wataambula mvutu mu ntoono kutumuma kwaandi.