Mpisi wunde wuleele ntoono yayibi mu Mwaana muutu, lo sa bamuhemesene; ngo kasi wunde wudzoonsolo bwabubi mu Mpeeve Yangisi, lo bamuhemesene ko, ti mu ntaangu yimayi, ti mu ntaangu yikwiisa.»
Yesu kabateelaana, wubaleeriri ti: «Beenu luyaari ti, babo babakoomonaa buni bamfumu ba mansi, bakoosalilaa bumfumu bwaaku ha yulu mansi mamo, na bakuutu ba mo, basalilaa lutumu lwaaku ha yulu mo.
Mfumu wasiika mukebi wunde wuri na bubayi, bukuri waba walubuka mu kusalila bubwo. Mukwongo, baala ba ntaangu yimayi, babvuriri kulubuka, mu mitariri kiseendu kya bo-meene, ti na baala ba buungi.»