Musamu wamubwete watina Luka 20:10 - Musamu Wamubwete 2013

¹⁰ Ntaangu bu yayelemene, nde waheeke nkutu mosi kuri bakamuni ba bviinya, mpisi baha kikuuku kya bviinya kya nde. Bakamuni ba bviinya bamulata nkuba, na bamubvutula myooko myamukangala.

Musamu wamubwete watina Luka 20:10 ပူးပေါင်းရင်းမြစ်များ

Musamu wamubwete watina Luka 13:34

Yerusalemi, Yerusalemi, ye wudzusaa babikiri, na wudzusila mu matari babo babaheeke kuri ye. Mantaangu makwe me nyaba nyatya kwaandi kukutukisa baala ba ye, bunu bu fukaa nguri nsusu baala baandi kunsa mapaapu, ngo kasi beenu lusii tya ko.

Musamu wamubwete watina Luka 20:11

Nde wabweese kuheeke nkutu yikimi; ngo bo balata wunde se nkuba, bamusaana na bamubvutula myooko myamukangala.

Musamu wamubwete watina Luka 20:9

Yesu wabaandika kuleele kuri baatu nkuma yimayi: «Muutu [mosi] wakuna nseke bviinya, na wayukusina na bakamuni ba bviinya, na wayende ku budyeengi mu mantaangu mamala.

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Mukaanda kuri bari Loma 7:4

Beenu se bunubwo, bampaangi baami, beenu lwayeki lwafwa mu mangisi mu nyutu ya Kiristo, mu kuba ba muutu mukimi, wunde wafulukusu mu bafwa, mpisi tubeeneenu na bimbutu mu ntoono Nzaambi.