Musamu wamubwete watina Luka 2:9 - Musamu Wamubwete 2013

⁹ Mbasi mosi ya Mfumu yateleme ha mankula ma bo, na nkeembu ya Mfumu yabafuka kunsa buungi na kinkuuka kya babwiilikila.

Musamu wamubwete watina Luka 2:9 ပူးပေါင်းရင်းမြစ်များ

Musamu wamubwete watina Matayi 1:20

Bu kaba mu kwetsima mimyo, mbasi ya Mfumu yamumonokono mu ndosi, yamuleele ti: «Yosefi, mwaana Davidi, yaa ba na boomo ko mu kuholo Mariya, mukasi waaku, bukuri mwaana wubutuka mu nde, mu mpinu dza Mpeeve, wangisi.

Musamu wamubwete watina Luka 1:28

Mbasi yakoto mu nzo Mariya na yamuha mboto ti: «Ba na kiminu, ye wuri na bweese, Mfumu wuri na ye.»

Musamu wamubwete watina Luka 2:8

Mu nkoonsi yiyo, kwaba batari ba bibulu baba kwedzakalaana ku bibiti, mu kwekebe bibulu bya bo butsuku.

Musamu wamubwete watina Luka 24:4

Bu baba beki bwakusiila kuyaaba pe, mono, babakala boolo balwaata binkuta bikweseme, bateleme ha busu bwa bo.

Musamu wamubwete watina Yowane 12:41

Esaya waleele bubwo, bukuri nde wamwiini munkeembu Yesu, na wadzoonsolo mu ntoono nde.

Biyiriki bya Bantumu 12:7

Mono, mbasi Mfumu yamonokono na buungi bwaluulusa nzo. Bu kamulata mu lubaansi, wasiimbila Petelo na wamuleele ti: "Teleme mu mawasu", na bikonyi byasonoko mu myooko myaandi.

Biyiriki bya Bantumu 27:23

Mukwongo, Nzaambi yi bakiri me, na yi nkoosalila me, mbasi yaandi yiisiryee kumonokono me, mu butsuku

Biyiriki bya Bantumu 5:19

Kasi mbasi Mfumu wadzibula myeelu mya boroko mu butsuku, wabapalisa na wabaleele ti:

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Bahebeleho 12:21

Mi bamwiini myaba mibvuriri nsiisi, na Moose waleele ti: «Me nyiri na kinkuukulu na nyiri mu kutekete.»

Nyabusulu ya Yowane 18:1

Ha mambisa haho, me nyamono mbasi yikimi, yasunduka ku mayulu, yaba na lutumu lwalunene, na butoto bwakoto kunsa buungi bwa munkeembu waandi.

Nyabusulu ya Yowane 20:11

Me nyamono mboloko yadzaangama yahembeke, na wunde waba wadzakala ha yulu yo. Yulu na butoto byayitika ha busu bwaandi, na ka kwasii bweese kuba kibeendu kuri byo ko.