Musamu wamubwete watina Luka 2:51 - Musamu Wamubwete 2013
51 Tumi nde, ha kakulumuka na bo, na wayende ku Nadzareti. Nde waba watumuma kuri bo. Na nguri yaandi waba kwekebaa misamu myominso mimyo kunsa mutima waandi.
Yesu wabvutula, waleele kuri nde ti: «Hemese mu lumalu; bukuri bubwo bwayelemene kuri beetu na ye mu kukukisa nsungumunu yoyinso.» Haho, Yowane wataambula.
Ba Yosefi na Mariya bamana kuyirika momanso, bunu buri ndoombolo dza mangisi ma Mfumu, bo babvutuka ku bula bwaaku ku Nadzareti, mu nkoonsi ya Ngalili.
Nde waleele kuri bo ti: «Beenu nkati sa lwateelile me nkuma yiri ti: "Ngaanga, buka nyutu ya ye-meene." Beetu twayukiri momanso mayirimini ku Kafarnawumi, sa yirika mo se, mu nkoonsi ya ye-meene yimayi.»
Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.