Musamu wamubwete watina Luka 2:25 - Musamu Wamubwete 2013

²⁵ Ku Yerusalemi, kwaba muutu mosi nkuumbu Simehoni. Muutu wunde waba wasuunguma, na wubvuminaa Nzaambi; waba kiingaana mboondulu ya Isaheli, na Mpeeve Yangisi yaba ha yulu nde.

Musamu wamubwete watina Luka 2:25 ပူးပေါင်းရင်းမြစ်များ

Musamu wamubwete watina Malako 15:43

Yosefi, dya ku Arimatayi, muutu wa lukiinsu, mosi mu mfuundu ya bakuutu, wuri nde se waba kiingilaana Kimfumu kya Nzaambi, walwaata kibakala, wakoto mu nzo Pilato mu kumuloombo nyutu Yesu.

Musamu wamubwete watina Luka 1:41

Elidzabeti kamana kuyuka mboto ya muheeri Mariya, mwaana waba mu mwooyo waandi wanyiŋina, na Elidzabeti waluula mu Mpeeve Yangisi.

Musamu wamubwete watina Luka 1:6

Boboolo baba baatu basuunguma ha busu bwa Nzaambi, bakwedyaatila kunsa mangisi na ntumu dza Mfumu kwahele maseembu.

Musamu wamubwete watina Luka 1:67

Taayi dyaandi Dzakariya, waluula mu Mpeeve Yangisi, na wabikula waleele ti:

Musamu wamubwete watina Luka 2:38

Mu kilookolo kikyo, nde se waba hanaho, wabeke mu kubvutula matoondo kuri Nzaambi, na wadzoonsolo mu mwaana wunde, kuri bobanso babakiingila nkuululu ya Yerusalemi.

Musamu wamubwete watina Luka 23:51

Nde kasii taambula ma kaangiri bambasi ko, na ma bayirikiri bo. Nde waba wa ku Arimatayi, bvula dya Bayudayo, nde se waba kwekiingaana Kimfumu kya Nzaambi.

Biyiriki bya Bantumu 10:2

Nde waba munsaambiri wamakwa, waba se na kibvumi kya Nzaambi, kaanda dyaandi se dyodinso. Nde waba haana lubakusu kwalaka kuri baatu, na waba saambilaana Nzaambi mu ntaangu ngo ntaangu.

Biyiriki bya Bantumu 10:22

Bo baleele «Kornelyo wuri mukuutu nkama bayongolo, muutu wasuunguma na wuri na kibvumi kya Nzaambi, kaanda dyodinso dya Bayudayo bamuteelaa kimbaangi kyakibwete, mbasi yangisi yimulubiryee mu kutumisa ye ku nzo yaandi, na kuyuka maampu ma ye.»

Biyiriki bya Bantumu 2:5

Ku Yerusalemi kwaba dzakalaana Bayudayo bari na kinzaambi kyamakwa, bafumuni mu makaanda momanso mari ha butoto.

Biyiriki bya Bantumu 24:16

Me-meene nyisalila kwa mu kumonoko kwahele maseembu mu nsimunu yaami, ha busu bwa Nzaambi, na ha busu bwa baatu mu mantaangu momanso.

2 Pet 1:21

Mukwongo, mbikululu kari mu ntiilu ya baatu dziri dzayisa ko, ngo kasi mu ntwalusulu ya Mpeeve Yangisi, baatu bari badzoonsolo mu nkuumbu ya Nzaambi.