Musamu wamubwete watina Luka 19:9 - Musamu Wamubwete 2013

⁹ Yesu waleele kuri nde ti: «Lolo di mvuukulu yikotiri mu nzo yimayi, bukuri wu se mosi mu baala ba Abalaami.

Musamu wamubwete watina Luka 19:9 ပူးပေါင်းရင်းမြစ်များ

Musamu wamubwete watina Luka 13:16

Ngo mwaana Abalaami wa mukyeetu wumawu, wuri Satana wabee wamukaanga bikonyi, mu mibvu kuumi na mpoomo, buri habee lo kumunyaanguna pe mu kiluumbu kya mpuumunu?»

Musamu wamubwete watina Luka 13:30

Na mono, basyeelele sa batekesele, na batekesele sa basyeelele.»

Musamu wamubwete watina Luka 16:24

Nde wateele Abalaami, waleele ti: "Taata Abalaami, bakila me ngebe, na heeke Ladzaro, mpisi katsuuba nto muleembu waandi mu maampa, na kaboloso ludima lwa me, bukuri me nyiri mu kubama kunsa milaka mya mbaawu."

Musamu wamubwete watina Luka 16:30

Nde wabvutula ti: "Pele, taata Abalaami, mbuti muutu nangukini kuri bafwa, na weensi kuri bo, lo sa bayiinga madyeele."

Musamu wamubwete watina Luka 2:30

Bukuri miisu myaami mimwiini mvuukulu ye,

Musamu wamubwete watina Luka 3:8

Ngo soongeenu biyiriki byayelemene na nyiingulu madyeele, na yaa lubaandika kweleele mu beenu-meene ko ti: "Taayi dya beetu Abalaami", bukuri me nyileele ti: mu matari ma, lo Nzaambi telemisi baala kuri Abalaami!

Mukaanda kuri bari Loma 4:16

Hango-nkuumbu, saala kubakila mu nzila ya kanyi, mpisi heki mu bweese lusiilulu luba lwatswiikama kuri bobanso bapalila mu Abalaami, kari bani bapalila mu mangisi ko, ngo bapalila se mu kanyi dyaandi. Nde wuri taayi dya beetu-banso,

Mukaanda kuri bari Ngalatya 3:14

Mu bubwo, mu Kiristo Yesu, lusakumunu lwa Abalaami luri lwatubuka natee kuri bahele kuba Bayudayo, mpisi heki tutaambuleenu Mpeeve yi bari batusa lusiilulu mu kanyi.

Mukaanda kuri bari Ngalatya 3:29

Mbuti beenu luri ba Kiristo, lo lwapalila mu Abalaami, bakondiri ba saala bunu buri lusiilulu.

Mukaanda kuri bari Ngalatya 3:7

lo yaabeenu ti, babo bari na kanyi ngo baala ba Abalaami.

1 Pet 2:10

Beenu bari, mu ntaangu yayikulu, lwasii ba mukaangu baatu ko, kasi mu lumalu beenu lweki mukaangu baatu ba Nzaambi. Mu ntaangu yayikulu, Nzaambi kasii kulumwiinina ngebe ko, kasi mu lumalu nde wulumonono ngebe.