Musamu wamubwete watina Luka 19:6 - Musamu Wamubwete 2013

⁶ Dzakayi wasunduka mu mawasu, wataambula Yesu mu nzo yaandi, na wakeembe.

Musamu wamubwete watina Luka 19:6 ပူးပေါင်းရင်းမြစ်များ

Musamu wamubwete watina Luka 19:5

Yesu, bu katubuka ha kibeendu kikyo, watala ku yulu na wamuleele ti: «Dzakayi, sunduka mu mawasu, bukuri lolo di, me nyelemini mu kudzakala mu nzo ya ye.»

Musamu wamubwete watina Luka 19:7

Baatu bobanso bu bamono bubwo, bamunguta, baleele ti: «Nde weedzakala mu nzo ngaa-masumu!»

Musamu wamubwete watina Luka 2:16

Bo babingukila mu kweende, na bamono Mariya, Yosefi na mwaa-mwaana wansoombo, waneŋesene munsa kidiilulu kya bibulu.

Musamu wamubwete watina Luka 5:29

Levi wayirika ndiilu yayinene mu nzo yaandi. Mburi mpuumbu batori ba mpaku, na baatu bakimi baba hanaho, baba balaambula miilu, mu kudya kintwaari na bo.

Biyiriki bya Bantumu 16:15

Bamanaa kumubotoko, nde na kaanda dyaandi, ha katuyiingukila, na waleele ti: "mbuti beenu lumono ti me nyiri na kanyi mu Mfumu, lo wasee lukoto na ludzakala ku nzo me." Na nde watukwiikisa mu kutaambula.

Biyiriki bya Bantumu 16:34

Bu kabanata ku nzo yaandi, nde wabaha byandya ha taabala. Nde wamono kiminu na nzo yaandi yoyinso, bu basiiri kanyi mu Nzaambi.

Biyiriki bya Bantumu 2:41

Hango, bo bu bataambula maampu maandi, bababotoko, na mu kiluumbu kikyo, kampe mafuunda matatu ma baatu mayikimini.