Musamu wamubwete watina Luka 19:37 - Musamu Wamubwete 2013

³⁷ Babaanaa beke bebele na nkulumusu ya mulaandu wa Mi-olive, mpuumbu yoyinso ya bayiki yabeke mu kukeembe, na kudumusa Nzaambi mu mbeembu yadzaangama, mu ntoono bimaangu byobinso bi bamwiini.

Musamu wamubwete watina Luka 19:37 ပူးပေါင်းရင်းမြစ်များ

Musamu wamubwete watina Matayi 21:1

Bu bari mu kwekokosolo na Yerusalemi, batubuka ku bula bwa Betefange, ku mulaandu wa Mi-olive, haho, Yesu waheeke bayiki boolo.

Musamu wamubwete watina Malako 13:3

Yesu kabaanaa wadzakala ha yulu Mulaandu wa Mi-olive, kuri watala ku Nzo-nzaambi, Petelo, Yakobo, Yowane na Andere bamufuula ha nde-kaka ti:

Musamu wamubwete watina Malako 14:26

Bu bamana kuyimbila mikuunga mya ndumusu, bayende ku Mulaandu wa Mi-olive.

Musamu wamubwete watina Luka 18:43

Ha nsi na nsi, nde wabweese kumono, na wanama Yesu kuri wukwekeembese Nzaambi. Baatu bobanso bamwiini mamo, badumusu Nzaambi.

Musamu wamubwete watina Luka 19:20

Wakaka se wayisa, na waleele ti: "Mfumu, mupata waaku wa woolo, wu nyabee nyasweeke kunsa nsaanda, ndewu.

Musamu wamubwete watina Luka 19:29

Bu katubuka bebele na Betefange na Betanya, nkati-nsi na mulaandu wa Mi-olive, nde waheeke boolo mu bayiki,

Musamu wamubwete watina Luka 19:36

Bu baba mu kweyende, baatu babeke mu kweyala biyuungu byaaku mu nzila.

Musamu wamubwete watina Luka 7:16

Bobanso boomo bwababwiilila, bakeembese Nzaambi, na baleele ti: «Mubikiri wamunene telemini ha kakati dya beetu!» Na ti: «Nzaambi wiisiri mu kubakisa baatu baandi!»

Musamu wamubwete watina Yowane 12:18

Hango nkuumbu, mpuumbu [se] yayisa mu kumubwaana, bukuri bayukiri ti: nde wayirikiri kidiimbu kikyo.