Musamu wamubwete watina Luka 19:29 - Musamu Wamubwete 2013

²⁹ Bu katubuka bebele na Betefange na Betanya, nkati-nsi na mulaandu wa Mi-olive, nde waheeke boolo mu bayiki,

Musamu wamubwete watina Luka 19:29 ပူးပေါင်းရင်းမြစ်များ

Musamu wamubwete watina Matayi 21:17

Bu kabasisa, nde wapala mu bvula na wayende ku Betanya ku kalutisa butsuku.

Musamu wamubwete watina Luka 19:30

wabaleele ti: «Yendeenu ha bula buri ha mankula, bu lukoto mu bwo, beenu sa lwamono mwaana mpuunda wakaangu, wuri muutu ti mosi kadzakiri ha yulu nde ko; nyangunee nde na twaalee.

Musamu wamubwete watina Luka 19:37

Babaanaa beke bebele na nkulumusu ya mulaandu wa Mi-olive, mpuumbu yoyinso ya bayiki yabeke mu kukeembe, na kudumusa Nzaambi mu mbeembu yadzaangama, mu ntoono bimaangu byobinso bi bamwiini.

Musamu wamubwete watina Luka 21:37

Mu ntaangu ya mwiini, Yesu waba baanaa mu Nzo-nzaambi, ngo mu ntaangu ya butsuku, waba palaana mu kweba ku yulu mulaandu, wubateelaa ti wa Mi-olive.

Musamu wamubwete watina Luka 22:39

Bu kapala, wayende bunu bwaba kifu kyaandi, ku mulaandu wa Mi-olive. Bayiki baandi se bamunama.

Musamu wamubwete watina Luka 24:50

Tumi Yesu wanata bayiki baandi [ku mbasi] natee bebele na Betanya; na bu kanaanguna myooko myaandi, wabasakumuna.

Biyiriki bya Bantumu 1:12

Bo babvutuka ku Yerusalemi, kuholosono ku mulaandu wa Mi-olive, wuri bebele na Yerusalemi, kiteesu kiri ha kakati haho, mu mweendu lo ndaambu kilookolo.