Musamu wamubwete watina Luka 18:19 - Musamu Wamubwete 2013

¹⁹ Yesu wabvutula kuri nde ti: «Bukuri nki ye wuteele me ti wamubwete? Kuri muutu ti mosi wamubwete ko, mbuti ka wuni Nzaambi kitsu ko.

Musamu wamubwete watina Luka 18:19 ပူးပေါင်းရင်းမြစ်များ

Musamu wamubwete watina Luka 1:35

Mbasi yabvutula kuri nde ti: «Mpeeve Yangisi sa yiisa ha yulu ye, na mpinu dza Mwa-Yulu sa dzakufuka mu mposi yaandi. Hango-nkuumbu, mwaana wubutuka sa kaba wangisi, na sa bamuteele ti Mwaana Nzaambi.

Musamu wamubwete watina Luka 11:13

Ngo habaanaa beenu, luri na mutima-bubi, luyaari kuha bitotolo byabibwe kuri baala beenu, lo dyaburi Taayi dya ku yulu kahele bvula kuha Mpeeve Yangisi kuri babo bamuloombo?»

Musamu wamubwete watina Luka 18:18

Mukuutu mosi wafuula Yesu, waleele ti: «Muyikisi wamubwete, nki me nyisa mu kutaambula kidziingu kyahele manunu?»

Musamu wamubwete watina Luka 18:20

Ye yaari ntumu: "Yaa ta kimpala ko, yaa dzusa ko, yaa yiba ko, yaa leele kimbaangi kyampya ko, kiinsa taayi na nguri yaaku."»

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Bahebeleho 7:26

Mukwongo, kuri beetu mukuutu bangaanga-nzaambi waba wayelemene ngo wabubwo. Nde wangisi, wahele na mamabi, wahele na masumu, wahaambuka na bangaa-masumu, na bamunaakisa ku nkati yulu.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.