Musamu wamubwete watina Luka 18:14 - Musamu Wamubwete 2013

¹⁴ Me nyiluleele ti: mutori-mpaku wunde, bu kaba bvutuka ku nzo yaandi, lo wasuunguka mabuungu maandi; ngo Mufarisi ti bele pe. Bukuri mpisi wunde wudzaangamaa mu nde-meene, lo sa bamukulula, ngo wunde wakuluka mu nde-meene sa bamudzaangisa.»

Musamu wamubwete watina Luka 18:14 ပူးပေါင်းရင်းမြစ်များ

Musamu wamubwete watina Matayi 23:12

Mpisi wunde wudzaangama mu nde-meene, sa bamukulula; na mpisi wukuluka nde-meene sa bamudzaangisa.»

Musamu wamubwete watina Matayi 5:3

«Kiminu kiri na ba bawelu mu mpeeve, bukuri Kimfumu kya mayulu kya bo!

Musamu wamubwete watina Luka 1:52

Nde sononyee bambyaasi mu mamboloko, na dzaangisiri ba mafuunsi.

Musamu wamubwete watina Luka 10:29

Ngo muyikisi mangisi mu kusaka buungu mu nde-meene, wabweese kufuula Yesu ti: «Heki mbaasi me ngo na?»

Musamu wamubwete watina Luka 14:11

Mukwongo mpisi wunde wadzaangusa nde-meene, sa bamukulula, na mpisi wunde wukuluka nde-meene sa bamudzaangisa.»

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Mukaanda kuri bari Loma 3:20

Hango-nkuumbu, kuri muutu ko wuba walulukusu mu biyiriki bya mangisi, bukuri mangisi yini nyaabulu masumu makoohaanaa.

Mukaanda kuri bari Loma 4:5

Kasi kuri wunde wahele mu kusala, ngo wasa kanyi mu wunde wululukisaana wa mungooyi, lo kanyi dyaandi dimonokini mu nsungumunu.

Mukaanda kuri bari Loma 5:1

Ngo twayeki twaluulukusu mu kanyi, turi kiyeengi na Nzaambi, mu Mfumu yeetu Yesu Kiristo;

Mukaanda kuri bari Loma 8:33

Na wutsiitsa kufuunda basoolu kuri Nzaambi? Nzaambi ngo mululukisi!

Mukaanda kuri bari Ngalatya 2:16

Tuyaari se ti, muutu wahele kuba walulukusu mu biyiriki bya Mangisi, ngo mu kanyi mu Yesu Kiristo. Na beetu twasa kanyi mu Kiristo Yesu, mpisi heki tuba twalulukusu mu kanyi mu Kiristo, nkani ka mu biyiriki bya Mangisi ko, bukuri mu biyiriki bya Mangisi, lo kuri muutu ti mosi ko wuba walulukusu.

Mukaanda wa Yakobo 4:10

Kulukeenu ha busu bwa Mfumu, na nde sa kaludzaangisa.

Mukaanda wa Yakobo 4:6

Nzaambi kootuhaanaa bweese bubvuriri bunene, hango-nkuumbu diri dyaleele ti: "Nzaambi wutungukilaa bangaa-masiiku, ngo kasi wuhaanaa bweese kuri bakuluka".