Musamu wamubwete watina Luka 18:13 - Musamu Wamubwete 2013

¹³ Ngo kasi, mutori-mpaku, bu kaba wateleme mwaa-lutaki, waba wahele kutya ti kusyeetele miisu ku yulu, ngo waba yalaa myooko myaandi na kuleele ti: "Ho! Nzaambi, bakila me ngebe, me nyiri ngaa-masumu."

Musamu wamubwete watina Luka 18:13 ပူးပေါင်းရင်းမြစ်များ

Musamu wamubwete watina Matayi 10:3

Filipo, Bartelemi, Toma na Matayi, mutori-mpaku; Yakobo dya Alafayi na Tade;

Musamu wamubwete watina Matayi 6:5

«Habaanaa lusaambila, lo yaa luba bunu bangaa-bumpitu-bumpyoongo ko, bukuri bo batiiri kwesaambila mu mutele, mu manzo mankutukunu na mu makuumbu ma manzila, mpisi baatu beebamono. Mu ngwanwa me nyiluleele ti: bo bakootaambula museendu waaku.

Musamu wamubwete watina Matayi 9:13

Yendeenu luyika dyaambu dimadi: "Mutima wangebe me ntiiri, nkani ka nzusulu bibulu mu bikabu ko." Bukuri, me nyahele kwiisa mu kuteele basuunguma, ngo bangaa-masumu.»

Musamu wamubwete watina Malako 11:25

Lubaanaa lwateleme luri mu kusaambila, mbuti lwakebele muutu kooti, lo muhemesene, mpisi heki taayi dya beenu se diri mu mayulu, kaluhemesene lumvuki lweenu.» [

Musamu wamubwete watina Luka 17:12

Bu kakoto mu bula bu mosi, babeeru ba bwaasi kuumi bamubwaana, na bo bateleme kimamanga na nde.

Musamu wamubwete watina Luka 22:41

Tumi nde wayende mwaa kibeensi, kiri lo kampe bunu kimpeelu kya tari, na bu katsuka maboongo ha nsi, wasaambila,

Musamu wamubwete watina Luka 23:48

Baatu bobanso bayisiri mu mampuumbu, mu kumukyeese, bu bamono misamu myayirimini, bateeteke myooko mu yulu mitu na babvutuka.

Musamu wamubwete watina Luka 5:8

Simoni Petelo, bu kamono bubwo, watsuka maboongo ha nsi ha busu bwa Yesu, na waleele ti: «Mfumu, sasika kwaaku la na me, bukuri me nyiri muutu ngaa-masumu.»

Biyiriki bya Bantumu 2:37

Bu bamana kuyuka mamo, bo bamono mpasi mu mitima, na baleele kuri Petelo na kuri bantumu bakaka ti: "Bampaangi, beetu buri tuyelemini kusa?"

Mukaanda kuri bari Loma 5:8

Nzaambi wasoongo ntiilu yaandi mu beetu, bukuri, bu twaba twakiri bangaa-masumu, Kiristo watufwiila.

2 Kol 7:11

Sa monee mu lumalu, nkya kifiki ngebe dza ntiilu ya Nzaambi dzibutiri mu beenu: nkya mampemisi, nkya minyoongi, nkya boomo, nkya musoongo, nkya kuheme, nkya maseembu! Mu myominso beenu lwasoongiri ti, lwahele na kibila mu musamu wunde.

1 Tim 1:15

Maampu mamama mayelemene mu kusiila kanyi, na kumataambula mu mutima ndemunso ti: Kiristo Yesu wayisa ha nsi mu kubvuukisa bangaa-masumu, mu bo me watete.

Mukaanda kuri Bahebeleho 4:16

Hango, tukokosoleenu na nsiitu yoyinso ha teke mboloko ya bweese, mpisi tutaambulee ngebe, na bweese mu kubaka lubakusu mu ntaangu yayelemene.

Mukaanda kuri Bahebeleho 8:12

bukuri me sa nyahemesene lumvuki lwa bo, na ka nyibweese kubaambukila mwooyo mu masumu ma bo ko.»