Musamu wamubwete watina Luka 16:15 - Musamu Wamubwete 2013

¹⁵ Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Musamu wamubwete watina Luka 16:15 ပူးပေါင်းရင်းမြစ်များ

Musamu wamubwete watina Matayi 23:5

Biyiriki bya bo byobinso kwesa mukuri ti baatu babatala. Bo bakweyirika bisweekulu bya maampu byabinene bi bakwelwaata, na bakwenonono maheengu ma binkuta.

Musamu wamubwete watina Matayi 6:16

«Habaana luri kunsa loomi, lo yaa luba na kidziri kya ngebe ko, bunu bangaa-bumpitu-bumpyoongo. Bo bakitula kidziri mpisi heki bamonokono kuri baatu ti bari kunsa loomi. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:2

Habaanaa wuha kikabu kuri bawelu, lo yaa sika mvumvuri ko ha busu bwa ye, bu koosaana bangaa-bumpitu-bumpyoongo, mu manzo mankutukunu, na mu manzila, mpisi baatu babasiika. Ngwanwa me nyiluleele ti: bo bakootaambula museendu waaku.

Musamu wamubwete watina Matayi 6:5

«Habaanaa lusaambila, lo yaa luba bunu bangaa-bumpitu-bumpyoongo ko, bukuri bo batiiri kwesaambila mu mutele, mu manzo mankutukunu na mu makuumbu ma manzila, mpisi baatu beebamono. Mu ngwanwa me nyiluleele ti: bo bakootaambula museendu waaku.

Musamu wamubwete watina Luka 10:29

Ngo muyikisi mangisi mu kusaka buungu mu nde-meene, wabweese kufuula Yesu ti: «Heki mbaasi me ngo na?»

Musamu wamubwete watina Luka 11:39

Mfumu waleele kuri nde ti: «Mu lumalu, beenu Bafarisi, lutsyeemisaa mbasa na lukoombo ku mbasi, ngo kasi beenu-meene kunsa-kati lwaluula mu kwiibi na mu bubi.

Musamu wamubwete watina Luka 18:11

Mufarisi bu kateleme wasaambila kunsa mutima ti: "Ho! Nzaambi, me mvutiri matoondo kuri ye, bukuri me nyahele kuba bunu baatu bakaka bari bangaa-kwiibi, bangaa-bubayi, bangaa-kimpala, bunu pe, buri mutori-mpaku wumawu.

Musamu wamubwete watina Luka 18:14

Me nyiluleele ti: mutori-mpaku wunde, bu kaba bvutuka ku nzo yaandi, lo wasuunguka mabuungu maandi; ngo Mufarisi ti bele pe. Bukuri mpisi wunde wudzaangamaa mu nde-meene, lo sa bamukulula, ngo wunde wakuluka mu nde-meene sa bamudzaangisa.»

Musamu wamubwete watina Luka 18:21

Mukuutu wunde wabvutula ti: «Me nyabvumina momanso mamo, kuholosono bulesi bwaami.»

Musamu wamubwete watina Luka 18:9

Yesu wata se nkuma yimayi mu ntoono babamosi bakwetsimaana ti, bo basuunguma kwaaku na bakwenyaafuna bambaasi:

Musamu wamubwete watina Luka 20:20

Bo babeke mu kwekete Yesu. Baheeke baatu bafuta kumonokono bunu ti baatu basuunguma, mpisi bamubakila kibila mu ma kadzoonso, mpisi bamuyekele mu myooko mya mutumi, wuri na mpinu na lutumu.

Musamu wamubwete watina Luka 20:47

Bo bakweholo bitotolo mu manzo ma bafwiila balumi, na bafuta kwesa nsaambulu dzadzila. Bo sa bataambula maseembu mabvuriri bunene.»

Musamu wamubwete watina Yowane 2:25

na bukuri nde waba wahele na nzala kuri ti bamuteele kimbaangi mu muutu; bukuri nde-meene waba yaari mari mu muutu.

Musamu wamubwete watina Yowane 21:17

Nde wabweese kumufuula mbala yatatu ti: «Simoni, mwaana Yowane, buri ye tiiri me?» Petelo wanyoongo mu bukuri wamufuuriri mu mbala yatatu ti: «Buri ye tiiri me?» Nde wamuleele ti: «Mfumu, ye yaari myominso, ye yaari ti me nyikutiiri.» [Yesu] waleele kuri nde ti: «Buungula bimeeme bya me.

Biyiriki bya Bantumu 1:18

Hango nde, wasuumbiri nseke mu mufutu wa bubayi; wabwiila kya mutu, wabuuluka mwooyo na midya myaandi myominso myatsamukina;

Biyiriki bya Bantumu 1:24

Bu basaambila baleele ti: "Mfumu ye yaari mitima mya baatu bobanso, soongo na mu bo boolo ye sooriri

Biyiriki bya Bantumu 15:8

Na Nzaambi wu yaari mitima mya baatu, wubateeriri kimbaangi, mu kubaha Mpeeve Yangisi, bunu bu kaheeri beetu,

Mukaanda kuri bari Loma 3:20

Hango-nkuumbu, kuri muutu ko wuba walulukusu mu biyiriki bya mangisi, bukuri mangisi yini nyaabulu masumu makoohaanaa.

Mukaanda kuri bari Loma 8:27

Wunde wufyongokinaa mitima myeetu, yaari bunu buri bitsimi bya Mpeeve, bukuri wunwanikinaa bangisi mu lusaambulu, bunu bu tiiriri Nzaambi.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

1 Pet 3:4

ngo bibyo byasweeku kunsa mutima muutu, biri byabiiya ko, bya mpeeve ya bundeembu, na ya kiyeengi, biri na ntalu yayinene ha busu bwa Nzaambi.

1 Pet 5:5

Bunubwo se, bituuti, beenee batumuma kuri bakulu ba babakala. Beenu-banso lwaateenu nkulukulu bunu musweele ha busu bwa bambaasi, bukuri: «Nzaambi wutungukilaa bangaa-masiiku, ngo kasi wuhaanaa bweese kuri bakuluka.»

Nyabusulu ya Yowane 2:23

lo me sa nzusa baala ba nde wa mukyeetu. Na mabuundu momanso sa bayaaba ti, me ngo nyikengisaa bitsimi na manzala, na sa bvutula kuri muutu-muutu mu beenu, bunu buri biyiriki byaandi.»