Musamu wamubwete watina Luka 15:6 - Musamu Wamubwete 2013

⁶ Bu kabvutukiri ku nzo, teeriri banduku na bambaasi, na wubaleeriri ti: "Keembee kintwaari na me, bukuri me dzuukiri kimeeme kyaami kyabee kyadziimbila."

Musamu wamubwete watina Luka 15:6 ပူးပေါင်းရင်းမြစ်များ

Musamu wamubwete watina Luka 1:58

Ba bari manzo bebele, na ba bari mu kaanda, bayuka ti Mfumu soongiryee bunene bwa ngebe dzaandi kuri Elidzabeti, bakeembe mu kintwaari na nde.

Musamu wamubwete watina Luka 15:10

Bwobumosi, me nyiluleele ti, kuri kiminu, ha busu bwa bambasi ba Nzaambi, mu ntoono ngaa-masumu mosi wuyiingiri madyeele.»

Musamu wamubwete watina Luka 15:24

bukuri mwaana me wumawu, wabee wafwa, ngo bweesiri kuba wamwooyo, wabeeri wadziimbila, ngo bweesiri kumonoko." Bo babeke kukeembe.»

Musamu wamubwete watina Luka 15:5

Bu kayidzuukiri, wukiteetikiri ha yulu maheembu maandi na wuri na kiminu.

Musamu wamubwete watina Luka 15:7

Me nyiluleele ti, bwobumosi, kiminu sa kyabvula mu mayulu mu ntoono ngaa-masumu mosi wuyiingiri madyeele ti na mu makuumi wa na wa basuunguma, bahele na nzala nyiingulu madyeele.»

Musamu wamubwete watina Yowane 15:14

Beenu luri banduku baami, mbuti luyirikaana ma nyilutumaana.

Musamu wamubwete watina Yowane 3:29

Ngaa-mukasi mulumi; nduku mulumi wuri ha teke nde na wuri mu kumuywiila, wuri na kiminu mu kuyuka mbeembu mulumi. Kikyo ngo kiminu kya me kyaluula

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

Biyiriki bya Bantumu 15:3

Dibuundu dyabaheeke, bataba Foyiniki na Samariya, kuri bakweyaabisa bunu bwayiingiri bangooyi madyeele, na bampaangi bobanso bamono kiminu kyalaka.

Mukaanda kuri bari Filipo 1:4

Mantaangu momanso ma nyisaambilaa me mu beenu-banso, nyisambikilaa mu kiminu,

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

1 Tes 2:19

Mukwongo, beenu luri nsiitu yeetu, kiminu kyeetu, bunu pe lukoongolo lweetu lwa ndulukulu, ha busu bwa Mfumu yeetu Yesu mu ntaangu ya nyisulu yaandi.

1 Pet 2:10

Beenu bari, mu ntaangu yayikulu, lwasii ba mukaangu baatu ko, kasi mu lumalu beenu lweki mukaangu baatu ba Nzaambi. Mu ntaangu yayikulu, Nzaambi kasii kulumwiinina ngebe ko, kasi mu lumalu nde wulumonono ngebe.

1 Pet 2:25

Mukwongo, beenu lwaba bunu bimeeme bikweyiima; ngo kasi mu lumalu, lumwaabvutuka kuri mutari na mukebi miheebulu myeenu.