Musamu wamubwete watina Luka 15:15 - Musamu Wamubwete 2013

¹⁵ Wasa kimbaasi na mosi mu bangaa-nsi yiyo, na muutu wunde wamuheeke ku manseke ma nde mu kwediisila bangulu.

Musamu wamubwete watina Luka 15:15 ပူးပေါင်းရင်းမြစ်များ

Musamu wamubwete watina Matayi 7:6

«Yaa luha byangisi kuri bambwa ko, yaa lulooso misaanga myeenu kuri bangulu ko, mu kubata kuri ti bakwiisa kumidzabata mu miilu myaaku, na balutsyetikilaana, balukaakiri.»

Musamu wamubwete watina Luka 15:13

Biluumbu byalaka bu byaluta, wubvuriri bulesi wayarika bya nde byobinso, wayende ku nsi ya la. Wamana kubvuka lubaku lwaandi, mu kidziingu kya mawaamba.

Musamu wamubwete watina Luka 15:14

Bu kamana lubaku lwaandi lwolunso, nzala ya makwa yayisa mu nsi yiyo, na nde wabaandika kutikila.

Musamu wamubwete watina Luka 15:16

Nde waba na nzala kuyukuta mu byandya bya bangulu, ngo wumuha nde pe.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.