Musamu wamubwete watina Luka 13:32 - Musamu Wamubwete 2013

³² Yesu wabvutula kuri bo ti: «Bu luri mu kweende leelee kuri mubaku wunde ti: "Mono, me nyiri mu kwebingisa mampeeve mamabi, na nyiri mu kwetsinikisa babeeru lolo di, na bweepari, na mu kiluumbu kya bitatu lo me meeni."

Musamu wamubwete watina Luka 13:32 ပူးပေါင်းရင်းမြစ်များ

Musamu wamubwete watina Malako 6:14

Mbyaasi Erode wayuka badzoonsolo mu Yesu, bukuri nkuumbu yaandi yaba yeki mvuumfu, na baatu baba kweleele ti: «Yowane Mubotiki wafulukiri mu bafwa; hango nkuumbu, kari mu kweyirika bimaangu.»

Musamu wamubwete watina Yowane 10:32

Yesu waleele kuri bo ti: «Biyiriki byalaka byabibwe byafumuna kuri Taata, me nyalusoongiri. Mu nkya kiyiriki mu byo, beenu lusaka kudzusila me mu matari?»

Musamu wamubwete watina Yowane 19:30

Yesu bu kanwa bviinya dyansa, waleele ti: «Bukukiri!» Bu kateengeke mutu, muwuumunu watabuka.

Mukaanda kuri Bahebeleho 2:10

Mukwongo, bwaba bwayelemene kuri wunde wuri, byobinso biri mu ntoono ya nde, na byayirimina kuri nde, mu kunata baala balaka mu nkeembu, na kukukisa mvuukulu ya bo, mu mpasi dza wunde wabaandikiri mvuukulu yiyo.

Mukaanda kuri Bahebeleho 5:9

Bu kakukisa kiteesu kyaandi, nde wayeki, wunde wuhaanaa mvuukulu ya mantaangu momanso, kuri bobanso bamutambukilaa.

Mukaanda kuri Bahebeleho 7:28

Mukwongo, mangisi mabyaalisaa baatu bari na buyonsi, mu kuba bakuutu ba bangaanga-nzaambi; ngo kasi maampu ma ndabulu maalu mayisa ha mambisa ma mangisi, mabyaalisa Mwaana, watubuka mu nyirimunu yakuka, mu mantaangu momanso.