Musamu wamubwete watina Luka 12:42 - Musamu Wamubwete 2013

⁴² Mfumu waleele: «Nkya kisari kyakwiikama na kyalubuka, kiri mfumu wumuha lutumu ha yulu bisari bya mu nzo yaandi, mu kubaha byandya mu ntaangu yayelemene?

Musamu wamubwete watina Luka 12:42 ပူးပေါင်းရင်းမြစ်များ

Musamu wamubwete watina Matayi 13:52

Yesu waleele kuri bo ti: «Hango-nkuumbu, mpisi mutini mangisi weki muyiki wa Kimfumu kya mayulu, wafwanikini na muutu ngaa-nzo, wupalisa mu kisweekulu kyaandi, bitotolo byamoono na byabikulu.»

Musamu wamubwete watina Matayi 20:8

Nsinsika yatubuka, ngaa-nseke bviinya waleele kuri mukebi lubaku lwaandi ti: "Teele bangaamba na wubaha mufutu waaku; kubandikila mu bampotulu natee mu batete."

Musamu wamubwete watina Luka 12:43

Kiminu kuri kisari kikyo, kiri mfumu ha kakwiisa, wumumwiini kuri wuri mu kusa bubwo.

Musamu wamubwete watina Luka 7:13

Mfumu bu kamumono, wamubakila ngebe, na wamuleele ti: «Yaa dila ko!»

Musamu wamubwete watina Luka 7:19

ha kabaheeke kuri Mfumu, mu kumufuula ti: «Ye ngo wunde wukwiisa, hoti beetu tukiinga mukimi?»

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

1 Tim 3:15

mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

1 Tim 5:17

Bakulu ba babakala bari mu kwetwaalisa kwa kubwete, bayelemini kutaambula lukiinsu lwa biteesu byoolo, mbiki ti bakwemono mpasi mu maampu na mu nyikusulu.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

Mukaanda kuri Bahebeleho 13:7

Tsiminee babo bakwelutwaalisa, bo baluyaabisa maampu ma Nzaambi. Monee bwaba nsukulu kidziingu kya bo, na namee kifwaani kya kanyi dya bo.

Mukaanda kuri Bahebeleho 3:5

Moose waba wakwiikama mu nzo yaandi yoyinso, bunu kisari mu kuta kimbaangi mu misamu mi baketi kuleele.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.