Musamu wamubwete watina Luka 11:26 - Musamu Wamubwete 2013

²⁶ haho yo yikweende mu kuholo mampeeve nsaamu makimi, mabvuriri bubi na nde, mu kwiisa kukoto na kudzakala mu nzo yiyo. Mbeelu yampotulu ya muutu wunde, lo yeki yibvuriri bubi ti na yatete.»

Musamu wamubwete watina Luka 11:26 ပူးပေါင်းရင်းမြစ်များ

Musamu wamubwete watina Matayi 12:45

haho yo yikweende na kuholo mampeeve nsaamu makimi, mabvuriri bubi na nde, mu kwiisa kukoto na kudzakala mu nzo yiyo. Mbeelu yampotulu ya muutu wunde, lo yeki yibvuriri bubi ti na yatete. Bunubwo se buba mu kiseendu kimaki kyakibi.»

Musamu wamubwete watina Matayi 23:15

«Kyaari kuri beenu, batini na Bafarisi, bangaa-bumpitu-bumpyoongo, bukuri lukwesa budyeengi mu mubu na ha butoto mu kubaka muutu mosi wuyiinga dyeele; ngo bu lumubakiri lumukituri mwaana munyeenge mbaawu, walutila beenu mu biteesu byoolo.»

Musamu wamubwete watina Luka 11:25

Na yo buyiisiri yimwiini ti nzo yeki yakoombolo na yasa bunkete;

Musamu wamubwete watina Luka 11:27

Yesu bu kaba mu kuleele mamo, mukyeetu mosi kunsa mpuumbu wabaangula mbeembu, wamuleele ti: «Kiminu kuri mukyeetu wanata yimi dya ye, na wakunwiisa mabeene.»

Musamu wamubwete watina Yowane 5:14

Ha mambisa haho, Yesu wabweese kumono muutu wunde mu Nzo-nzaambi, na wamuleele ti: «Mono, ye weki wamutsiina, yaa bweese kusa masumu ko, mpisi hele kubwanikina na mabvuriri bubi.»

1 Yow 5:16

Mbuti muutu wumono mpaangi yaandi, wuyirika masumu mahele kunata ku lufwa, lo kaloombo, na Nzaambi sa kaha kidziingu kuri mpaangi yiyo, kuri babo bayirikaa masumu mahele kunata ku lufwa. Kuri sumu dinataa ku lufwa; ngo kari mu didyo ko me nyituma ti kasaambila.