Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Musamu wamubwete watina Luka 11:2 - Musamu Wamubwete 2013

2 Nde wabaleele ti: «Habaanaa lusaambila, lo luleelaa ti: "Taata, hemese nkuumbu yaaku yiduma; hemese kimfumu kyaaku kiisa.

အခန်းကိုကြည့်ပါ။ ကော်ပီ




Musamu wamubwete watina Luka 11:2
45 ပူးပေါင်းရင်းမြစ်များ  

«Hango, mpisi wunde wutaambula ti nde wa me ha busu bwa baatu, lo me se sa nyataambula ti nde wa me ha busu bwa Taayi dyaami diri ku [ma] yulu;


[na] kweleele ti: «Yiingee madyeele, bukuri Kimfumu kya mayulu kikokisiri.»


Hemesee buungi bwa beenu buseme ha busu bwa baatu, mpisi bamono biyiriki byeenu byabibwete, na bakeembese Taayi dyeenu diri mu mayulu.»


Yesu waba saambilaana ha kibeendu kimosi. Bu kamana kusaambila, mosi mu bayiki baandi wamuleele ti: «Mfumu, yikisa beetu bwa kusaambikila bunu bwayikisa se Yowane kuri bayiki baandi.»


Kuri banduku ba Nzaambi bobanso ba mutima, bari ku Loma, bataambula mbila mu kuba bangisi: bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.


Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»


Bweese na kiyeengi bifumunaa kuri Nzaambi taayi dyeetu, na kuri Mfumu Yesu Kiristo biba na beenu.


Bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.


Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.


bweese na kiyeengi bifumunaa kuri Nzaambi, Taayi dyeetu na kuri Mfumu Yesu Kiristo biba na beenu.


bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo biba na beenu.


Nkeembu kuri Nzaambi, Taayi dyeetu mu bibvu ngo bibvu. Amene.


kuri bampaangi bangisi na bakwiikama mu Kiristo, bari ku Kolosayi, bweese na kiyeengi kuri beenu bifumunaa kuri Taayi dyeetu Nzaambi biba na beenu.


Pawulo, Silvano na Timoteho, kuri dibuundu dya Tesalonika, mu Taata Nzaambi na mu Mfumu Yesu Kiristo: bweese na kiyeengi biba na beenu.


Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.


Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,


Mbasi yansaamu yasika mvumvuri. Mambeembu mamanene mayukukuna ku yulu maleele ti: «Kimfumu kya nsi kyeki kuri Mfumu yeetu, na kuri Kiristo dyaandi. Nde sa katuma mu bibvu ngo bibvu.»


Mfumu, na wunde wuhele kubvumina ye, wuhele kudumusa nkuumbu yaaku? Bukuri ye kitsu wuri wangisi, makaanda momanso sa miisa ha busu bwaaku na sa makusaambila, bukuri nsundusulu dzaaku dzimwaamonoko.»


Me nyayuka bunu ti mbeembu ya mpuumbu baatu yalaka, na bunu ti kiyomo kya maampa mamanene, bunu ti mbeembu ya banzasi ba makwa yabaleele ti: «Aleluya! Bukuri Mfumu, Nzaambi [yeetu], Mwa-mpuungu wuri mu kutuma!


Me nyamono mamboloko, baba badzakala ha yulu mo, babaha lutumu lwa kutsuundisa. Nyamono se miheebulu mya baatu ba bataburi mitu, mu ntoono kimbaangi kya Yesu, na mu ntoono maampu ma Nzaambi, na babo bari basii saambila kibulu na kiteki kyaandi ko, na bari basii taambula bidiimbu mu mambuunsu na mu myooko mya bo ko. Bo bafuluka na batuma kintwaari na Kiristo mu fuunda dya mibvu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ